ޕާސްޕޯޓު ނެތި ރާއްޖޭގައި އުޅެމުންދާކަމަށް ބުނެ، އެމެރިކާގެ ރައްޔިތަކު ހުޅުމާލެއިން ހައްޔަރުކޮށްފި އެވެ.
ރާއްޖެއެމްވީ އަށް މައުލޫމާތުދެއްވަމުން ފުލުހުންގެ މީޑިއާ އޮފިޝަލް ވިދާޅުވީ، ހުޅުމާލޭގައި އިމިގްރޭޝަނުން ހިންގި އޮޕަރޭޝަނަކަށް އެހީތެރިކަން ފޯރުކޮށްދީފައިވާނެ ކަމަށެވެ. އަދި އެ އޮޕަރޭޝަންގެ ޕާސްޕޯޓު ނެތް އެމެރިކާގެ ރައްޔިތަކު ހޯމަ ދުވަހުގެ ރޭ 12:30 ހާއިރު ހައްޔަރުކޮށްފައިވާކަމަށެވެ.
ރާއްޖެޓީވީއަށް އެނގިފައިވާ ގޮތުގައި ގިނަ ދުވަސްތަކެއްވަންދެން ހުޅުމާލޭގައި ދިރިއުޅެމުންދިޔަ އެ މީހާގެ އަތުގައި ޕާސްޕޯޓެއްވެސް އަދި ވިސާއެއްވެސް ނެތެވެ. އަދި އޭނާގެ ޕާސްޕޯޓް ގެއްލިގެން 2014 ވަނަ އަހަރު ފުލުހުންނަށް މައްސަލަ ހުށަހަޅާފައިވެއެވެ. ނަމަވެސް ފުލުހުންނަށްވެސް އޭނާގެ ޕާސްޕޯޓް ހޯދައިދެވިފައެއް ނުވެއެވެ.
މި މައްސަލައާއި ގުޅިގެން އިމިޣްރޭޝަންގެ ބަހެއް ލިބޭގޮތްވެފައެއް ނުވެއެވެ.
