ރައީސް ޔާމީންގެ ކެމްޕޭންގެ ގޮތުގައި މާލޭގައި ބަހައްޓާފައި ހުރި ބޮޑު ޕޯސްޓަރެއް ގަދަވަޔާއެކު މިރޭ ވެއްޓިއްޖެ އެވެ.
މިރޭ އިރުއޮއްސުނުއިރު އައި މާލެއަށް އައި ގަދަ ކޮޅިގަނޑުގައި ވެއްޓިފައިވަނީ މާލޭގައި ހުންނަ ވިލިމާލޭ ފެރީ ޓަރމިނަލް ކައިރީ ހުންނަ ރައީސް ޔާމީންގެ ބޮޑު ފޮޓޯ ޕޯސްޓަރެއް ހުންނަ ބިލް ބޯޑެކެވެ.
މަންޒަރު ދުށް މީހުން ރާއްޖެ އެމްވީއަށް ބުނީ އެޕޯސްޓަރު ވެއްޓުމާއެކު ގިނަ އަދަދެއްގެ އެސްއޯ ފުލުހުންނާއި ހައުސިން މިނިސްޓްރީގެ ބައެއް މުވައްޒަފުން ވަނީ އެޕޯސްޓަރު ނެގުމުގެ މަސައްކަތް ފަށާފައިކަމަށެވެ. އަދި ގަދަވަޔާއެކު ވެހެމުންދިޔަ ވާރޭގެ ތެރޭގައި މާގިނައިރެއް ނުވަނީސް އެޕޯސްޓަރު ވަނީ ނަގާފައެވެ.
މައުލޫމާތު ލިބިފައިވާ ގޮތުގައި އެޕޯސްޓަރަކީ "ރައީސް ޔާމީން ރަނގަޅު" ޖަހާފައި އިންނަ ޕޯސްޓަރެވެ.
މައުލޫމާތު ލިބިފައިވާ ގޮތުގައި މިޕޯސްޓަރު ވެއްޓުމުގެ ސަބަބުން ހިސާބަކަށް ބައެއް ވެހިކަލްތަކަށް ވަނީ ގެއްލުން ލިބިފައެވެ. އެކަމާއި ގުޅެގޮތުން ފުލުހުންގެ ރަސްމީބަހެއް ލިބިފައެއް ނުވެއެވެ.
