ގަތަރު ފްލައިޓުގެ ކޮންޓެކްޓް ޓްރޭސިންގ ނިންމައިފި

ގަތަރު އެއާވޭސްގެ ފްލައިޓެއްގެ ކޮންޓެކްޓް ޓްރޭސިންގ ނިންމައި އެ ފްލައިޓުން ދަތުރުކުރި ދިވެއްސަކު އެކަހެރިކޮށްފިއެވެ.

އެކަމާ ގުޅޭގޮތުން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކުރި ޓްވީޓެއްގައި ބުނިީ، އާދިއްތަ ދުވަހު ރާއްޖެއައި ޤަތަރް އެއަރވޭސް އިން ދަތުރު ކުރި، ދިވެއްސެއް ކޮވިޑް-19 އަށް ޝައްކުކުރެވޭ އަލާމާތްތަކެއް ފެނިގެން ފަރުކޮޅު އައިސޮލޭޝަން ފެސިލިޓީއަށް ބަދަލު ކުރެވިފަައިވާ ކަމަށެވެ.

އާދިއްތަ ދުވަހު 15:15 ގައި ފްލައިޓް ޖެއްސުމާއެކު ފްލައިޓް މޮނިޓަރިންގ ގެ ޙާލަތަށް ގެނެސް ކޮންޓެކްޓް ޓްރޭސިންގ ގެ މަސައްކަތް ފެށިފައިވާއިރު، މިހާރު އެ މަސައްކަތް ނިމި ފަރުކޮޅު އައިސޮލޭޝަނަށް ބަދަލު ކުރެވިފައިވަނީ ސްޕެއިން އިން އެނބުރި އައި ދިވެއްސެކެވެ.

އޭގެ އިތުރުން، ކޮންޓެކްޓް ޓްރޭސިންގ ހެދުމަށްފަހު، ފްލައިޓުން އައި 9 ބިދޭސިއަކު އެބަޔަކު ބުކިންގ ހެއްދާފައިވާ ތަންތަނަށް ފޮނުވާލެވިފައިވާ ކަމަށާއި، އެ ހުރިހާ ފަތުރުވެރިންވެސް 14 ދުވަހަށް ގޭގައި އެކަހެރިވުމަށް އަންގާފައިވާނެ ކަމަށް އެޗްޕީއޭއިން ބުނެއެވެ.

އެޗްޕީއޭއިން ބުނީ، ފްލައިޓުގެ ކުރޫއިންގެ ތެރެއިން 2 ބިދޭސީއަކު ވިލިވަރުގައި ކަރަންޓީން ކުރެވިފައިވާ ކަމަށެވެ.

ރާއްޖެއިން މިހާތަނަށް 13 މީހަކު ކޮވިޑް-19 އަށް ޕޮޒިޓިވްވެފައިވެއެވެ.