ކޮވިޑް-19: ރާއްޖޭގައި 641 ކަރަންޓީނު ފެސިލިޓީ އެއް
ވިލިވަރުގައި ޖާގަ އިތުރު ކުރުމަށް ވަނީ ހަމަޖެހިފައި
ރައީސް އޮފީހުގެ އަންޑަރ ސެކެރެޓަރީ މަބްރޫކް އަޒީޒް، ނޫސްވެރިންނަށް މައުލޫމާތު ދެއްވަނީ
ދިވެހިރާއްޖޭގެ 20 ރަށެއްގައި 641 ކަރަންޓީނު ފެސިލިޓީއެއް ގާއިމު ކުރެވިފައިވާ ކަމަށް ސަރުކާރުން ހާމަކޮށްފި އެވެ.
ސަރުކާރުގެ ފަރާތުން އެކަން ހާމަކޮށްފައިވަނީ ނެޝަނަލް އެމަރޖެންސީ ރެސްޕޮންސް ސެންޓަރުގައި ހޮނިހިރު ދުވަހުގެރޭ ބޭއްވި ނޫސްވެރިންގެ ބައްދަލުވުމުގައި، ރައީސް އޮފީހުގެ ކޮމިއުނިކޭޝަންސް އަންޑަ ސެކެރެޓަރީ މަބްރޫކް އަޒީޒް އެވެ.
މަބްރޫކް ވިދާޅުވީ، ހުޅުލޭ އައިލެންޑް ހޮޓެލްސް (އެޗްއައިއެޗް) ކަރަންޓީނު ފެސިލިޓީއެއްގެ ގޮތުގައި ބޭނުންކުރުމަަށް އެ ހޮޓެލްސްއާ ވާހަކަ ދައްކަމުންދާ ކަމަށެވެ. ހޮނިހިރު ދުވަހު މެންދުރު ނޫސްވެރިންނަށް މައުލޫމާތު ދެއްވަމުން ޓޫރިޒަމް މިނިސްޓަރު އަލީ ވަހީދު ވިދާޅުވެފައިވަނީ، ކ. ވިލިވަރުގައި ޖާގަ ބޮޑުކުރުމަށް 100 އެނދުގެ ފެސިލިޓީއެއް ގާއިމުކުރުމުގެ މަސައްކަތް ކުރަމުންދާ ކަމަށެވެ.
