ދިވެހިރާއްޖޭގެ 20 ރަށެއްގައި 641 ކަރަންޓީނު ފެސިލިޓީއެއް ގާއިމު ކުރެވިފައިވާ ކަމަށް ސަރުކާރުން ހާމަކޮށްފި އެވެ.
ސަރުކާރުގެ ފަރާތުން އެކަން ހާމަކޮށްފައިވަނީ ނެޝަނަލް އެމަރޖެންސީ ރެސްޕޮންސް ސެންޓަރުގައި ހޮނިހިރު ދުވަހުގެރޭ ބޭއްވި ނޫސްވެރިންގެ ބައްދަލުވުމުގައި، ރައީސް އޮފީހުގެ ކޮމިއުނިކޭޝަންސް އަންޑަ ސެކެރެޓަރީ މަބްރޫކް އަޒީޒް އެވެ.
ކަރަންޓީނު ފެސިލިޓީސް ގާއިމްކޮށްފައިވާ ސަރަހައްދުތައް
- ހއ. އަތޮޅު: 29 ކަރަންޓީނު ފެސިލިޓީސް އާއި 19 އައިސޮލޭޝަން ފެސިލިޓީ
- ހދ. އަތޮޅު: 64 ކަރަންޓީނު ފެސިލިޓީ އާއި 34 އައިސޮލޭޝަން ފެސިލިޓީ
- ށ. އަތޮޅު: 30 ކަރަންޓީނު ފެސިލިޓީ އާއި 21 އައިސޮލޭޝަން ފެސިލިޓީ
- ނ. އަތޮޅު: 19 ކަރަންޓީނު ފެސިލިޓީ އާއި 16 އައިސޮލޭޝަން ފެސިލިޓީ
- ރ. އަތޮޅު: 17 ކަރަންޓީނު ފެސިލިޓީ އާއި 33 އައިސޮލޭޝަން ފެސިލިޓީ
- ބ. އަތޮޅު: 42 ކަރަންޓީނު ފެސިލިޓީ އާއި 41 އައިސޮލޭޝަން ފެސިލިޓީ
- ޅ. އަތޮޅު: 12 ކަރަންޓީނު ފެސިލިޓީ އާއި 5 އައިސޮލޭޝަން ފެސިލިޓީ
- ކ. އަތޮޅު: 8 ކަރަންޓީނު ފެސިލިޓީ އާއި 8 އައިސޮލޭޝަން ފެސިލިޓީ
- އއ. އަތޮޅު: 10 ކަރަންޓީނު ފެސިލިޓީ އާއި 9 އައިސޮލޭޝަން ފެސިލިޓީ
- އދ. އަތޮޅު: 23 ކަރަންޓީނު ފެސިލިޓީ އާއި 12 އައިސޮލޭޝަން ފެސިލިޓީ
- ވ. އަތޮޅު: 4 ކަރަންޓީނު ފެސިލިޓީ އާއި 9 އައިސޮލޭޝަން ފެސިލިޓީ
- މ. އަތޮޅު: 9 ކަރަންޓީނު ފެސިލިޓީ އާއި 12 އައިސޮލޭޝަން ފެސިލިޓީ
- ފ. އަތޮޅު: 8 އައިސޮލޭޝަން ފެސިލިޓީ
- ދ. އަތޮޅު: 6 ކަރަންޓީނު ފެސިލިޓީސް އާއި 8 އައިސޮލޭޝަން ފެސިލިޓީ
- ތ. އަތޮޅު: 18 ކަރަންޓީނު ފެސިލިޓީ
- ލ. އަތޮޅު: 28 ކަރަންޓީނު ފެސިލިޓީ އާއި 22 އައިސޮލޭޝަން ފެސިލިޓީ
- ގއ. އަތޮޅު: 16 ކަރަންޓީނު ފެސިލިޓީ އާއި 8 އައިސޮލޭޝަން ފެސިލިޓީ
- ގދ. އަތޮޅު: 14 ކަރަންޓީނު ފެސިލިޓީ އާއި 12 އައިސޮލޭޝަން ފެސިލިޓީ
- ފުވައްމުލަކު ސިޓީ: 4 ކަރަންޓީނު ފެސިލިޓީ އާއި 2 އައިސޮލޭޝަން ފެސިލިޓީ
- އައްޑޫ އަތޮޅު: 5 ކަރަންޓީނު ފެސިލިޓީ އާއި 4 އައިސޮލޭޝަން ފެސިލިޓީ
މަބްރޫކް ވިދާޅުވީ، ހުޅުލޭ އައިލެންޑް ހޮޓެލްސް (އެޗްއައިއެޗް) ކަރަންޓީނު ފެސިލިޓީއެއްގެ ގޮތުގައި ބޭނުންކުރުމަަށް އެ ހޮޓެލްސްއާ ވާހަކަ ދައްކަމުންދާ ކަމަށެވެ. ހޮނިހިރު ދުވަހު މެންދުރު ނޫސްވެރިންނަށް މައުލޫމާތު ދެއްވަމުން ޓޫރިޒަމް މިނިސްޓަރު އަލީ ވަހީދު ވިދާޅުވެފައިވަނީ، ކ. ވިލިވަރުގައި ޖާގަ ބޮޑުކުރުމަށް 100 އެނދުގެ ފެސިލިޓީއެއް ގާއިމުކުރުމުގެ މަސައްކަތް ކުރަމުންދާ ކަމަށެވެ.
