ބެލްޖިއަމް ކޮންސިއުލޭޓް އޮފީހެއް ރާއްޖޭގައި ހުޅުވައިފި

ކިންގްޑަމް އޮފް ބެލްޖިއަމްގެ ކޮންސިއުލޭޓް އޮފީހެއް ރާއްޖޭގައި ރަސްމީކޮށް ހުޅުވައިފިއެވެ.

މި އޮފީސް ހުޅުއްވައިދެއްވީ ކުރީގެ ރައީސް ޑރ. މުހައްމަދު ވަހީދު ހަސަން މަނިކެވެ. މި ރަސްމިއްޔާތުގައި ބެލްޖިއަމުން ރާއްޖެއަށް ކަނޑައަޅުއްވާފައި ހުންނަ އެމްބެސެޑަރ ވަނީ، ރާއްޖެއިން ބެލްޖިއަމްއަށް ކަނޑައަޅުއްވާފައި ހުންނަވާ ކޮންސިއުލް ޑރ. މަރިޔަމް ޝަކީލާއަށް އެކަމަނާގެ ސަފީރުކަމުގެ ފަތްކޮޅު ހަވާލުކޮށްދެެއްވާފައެެވެ.

ފަތްކޮޅާ ހަވާލުވެވަޑައިގެން ޑރ. މަރިއަމް ޝަކީލާ ވިދާޅުވީ ކުރިއަށް އޮތްތަނުގައި ބެލްޖިއަމްއާއި ރާއްޖޭގެ ގުޅުން އިތުރަށް ވަރުގަދަ ކުރުމަށް މަސައްކަތް ކުރައްވާނެކަމަށެވެ. އަދި ބެލްޖިއަމްގެ ސަރުކާރަށާއި، އެމްބެސެޑަރަށް ފުރިހަމަ އެއްބާރުލުމާއި އެހީތެރިކަން ދެއްވާނޭކަމަށެވެ.

މި ރަސްމިއްޔާތުގައި ބެލްޖިއަމްގެ ރަސްގެފާނަށް އެކަމަނާ ޝުކުރު އަދާކުރައްވާ ދެގައުމުގެ ގުޅުން ސަގާފީއަދި އިގުތިސާދީ ގޮތުންނާއި އެހެނިހެން ރޮނގުތަކުން ކުރިއަށް ގެންދިއުމަށް ފުރިހަމަ އެއްބާރުލުން ދެއްވާނެކަމުގެ ޔަގީންކަށް ރަސްގެފާނަށް އަރުވާކަމަށް ވިދާޅުވެފައެވެ.

މި ރަސްމިއްޔާތުގައި ދެގައުމުގެ ސަފީރުންގެ އިތުރުން ފޮރިން ސެކެއްޓްރީ ޑރ. އަލީ ނަސީރުވެސް ބައިވެރިވެވަޑައިގަތެވެ.