އެމެރިކާގެ ރައީސް ޑޮނަލްޑް ޓްރަމްޕް އިރާންއާ ދެކޮޅަށް ދޭން އުޅޭ ހަމަލާތައް އެމެރިކާގެ ކޮންގްރެސްއިން ހުއްޓުވައިފިއެވެ.
ބުދަ ދުވަހު އެމެރިކާގެ ކޮންގްރެސްއިން ވަނީ ޓްރަމްޕް އިރާނާ ދެކޮޅަށް އެއްވެސް ފިޔަވަޅެއް އަޅާނަމަ އެފިޔަވަޅުތަކަށް ކޮންގްރެސްގެ ރުހުން ހޯދަން ޖެހޭ ގޮތަށް ގަރާރެއް ފާސްކޮށްފައެވެ.
ފާސްކުރި ގަރާރުގައިވާ ގޮތުން އިރާނާ ދެކޮޅަށް މިލިޓަރީ އެއްވެސް ފިޔަވަޅެއް އަޅާކަމުގައިވާނަމަ ކޮންގްރެސްއަށް ހުށަހަޅައި ވޯޓަން އަހަންޖެހެއެވެ. އަދި ފިޔަވަޅެއް އެޅޭނީ ކޮންގްރެސްގެ އަގުލަބިއްޔަތު ލިބިގެންނެވެ. ނަމަވެސް ޚަބަރުތައް ބުނާ ގޮތުން މިގާރާރާ ދެކޮޅަށް ޓްރަމްޕް އަދި އޭނާއަށް ވާގިވެރިވާ ކޯލިޝަނުން މިގާރާރު ބަލައިނުގަނެ ބަދަލުކުރުމަށް ދަނީ މަސައްކަތް ކުރަމުންނެވެ.
ކޮންގްރެސްއިން މިގޮތަށް ގަރާރު ފާސްކޮށްފައިމިވަނީ އެމެރިކާއާ އިރާނާއާ ދެމެދު މައްސަލަތައް ގޯސްވެ، ދެގައުމުގެ ދެމެދުގައި ހަނގުރާމައެއް ފެށިދާނެކަމުގެ ބިރު ހީވެފައިވާ ދަނޑިވަޅެއްގައެވެ.
