ފަރުކޮޅުފުށީގައި ގާއިމުކޮށްފައިވާ އައިސޮލޭޝަން ފެސިލިޓީއަށް ހެލްތު މިނިސްޓަރު ޒިޔާރަތް ކުރައްވައިފި
8 ފެބުރުއަރީ 2020 | ހޮނިހިރު 14:14އިތުރަށް ހަރުދަނާ ކުރެވޭނެ ކަންތައްތަކާއި ބެހޭ ގޮތުން މައުލޫމާތު އޮޅުންފިލުއްވި
މިނިސްޓަރު އަމީން ފަރުކޮޅުފުށީގައި ގާއިމުކޮށްފައިވާ އައިސޮލޭޝަން ފެސިލިޓީއަށް ކުރެއްވި ޒިޔާރާތުގެ ތެރެއިން
ފަރުކޮޅުފުށީގައި ޤާއިމުކޮށްފައިވާ އައިސޮލޭޝަން ފެސިލިޓީއަށް ހެލްތު މިނިސްޓަރު ޢަބްދުﷲ އަމީން ޒިޔާރަތްކުރައްވަފިއެވެ.
ހޮނިހިރު ދުވަހު ހެލްތު މިނިސްޓަރު ޢަބްދުﷲ އަމީން ފަރުކޮޅުފުށީގައި ޤާއިމުކޮށްފައިވާ އައިސޮލޭޝަން ފެސިލިޓީއަށް ޒިޔާރަތްކުރައްވާ އެތަނުގެ މަސައްކަތްދާ ގޮތް ވަނީ ބައްލަވާލައްވާފައެވެ. އަދި މިހާރު ޤާއިމްުށްފައިވާ ފެސިލިޓީތަކާއި، އިތުރަށް ހަރުދަނާ ކުރެވޭނެ ކަންތައްތަކާއި ބެހޭ ގޮތުން މަޢުލޫމާތު އޮޅުންފިލުއްވިއެވެ.
ފަރުކޮޅުފުށީގައި ޤާއިމުކޮށްފައިވާ އައިސޮލޭޝަން ފެސިލިޓީއަށް މިނިސްޓަރު ޒިޔާރަތްކުރައްވާފައިވާއިރު، ކޮރޯނާވައިރަސް ދުނިޔޭގެ އެކިކަންކޮޅުތަކުގައި ހަލުހިމިނެއްގައި ފެތުރެމުންދާތީ ރައްކާތެރިވުމުގެ ގޮތުން ވަނީ ގިނަ ފިޔަވަޅުތަކެއް އަޅާފައެވެ.
އެގޮތުން ވައިރަސްގެ އަސަރުކޮށްފައިވާ މީހުން ކަރަންޓީނު ކުރުމަށް ކ. ފުނަދޫގައި އައިސޮލޭޝަން ފެސިލިޓީ ވަނީ ޤާއިމުކޮށްފައެވެ. އަދި ވެލާނާ އިންޓަރނޭޝަނަލް އެއަރޕޯޓާއި އައްޑޫ އިންޓަރނޭޝަނަލް އެއަރޕޯޓުގައި ރާއްޖެ އަންނަ ފަރާތްތައް ސްކްރީން ކުރުމަށް މިހާރު ދަނީ އެއަރޕޯޓުގެ އިތުރުން ސީ ޕޯޓުތަކުގެ ވެސް ތަރމަލް ކެމެރާތައް ބޭނުންކުރަމުންނެވެ.
