ބަލިން ރައްކާތެރިވުމަށް ޕަބްލިކް ހެލްތު ލާމަރުކަޒުކޮށް، އަވަސް މައުލޫމާތު ފޯރުކޮށްދޭން ޖެހޭ:ނަޝީދު

ބަލިން ރައްކާތެރިވުމަށް ޕަބްލިކް ހެލްތު ލާމަރުކަޒުކޮށް، އަވަސް މައުލޫމާތު ފޯރުކޮށްދޭން ޖެހޭ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެެވެ.

ރައީސް ނަޝީދު ބުދަ ދުވަހު ކުރައްވާފައިވާ ޓްވީޓެއްގައި ވިދާޅުވީ މިހާރު ފެތުރެމުންދާ ބަލިމަޑުކަމުގެ އަވަސް މައުލޫމާތު ރައްޔިތުންނާ ހަަމައަށް ފޯރުކޮށްދޭން ޖެހޭ ކަމަށެވެ.

އެ މަނިކުފާނު ވިދާޅުވީ، ގިނަ މީހުން އެއްތަނަކަށް ތޮއްޖެއްސުމަކީ، ކޮނެވޭ އަނދަވަޅެއްކަމަށެވެ. މާލޭއާއި އަތޮޅުތެރޭގައި ހަލުވިކަމާއިއެކު، މިހާރު ފެތުރެމުންދާ އެޗްވަންއެންވަން އާއި ގުޅިގެން ގިނަ ބަަޔަކަށް މި ބަލި ފެތުރިދާނެކަމުގެ ބިރު އޮތްކަމަށް ސިއްހީ އިދާރާތަކުން ހާމަކޮށްފައި ވާއިރު، ގިނަ ބަޔަކު އެއްތަނެއްގައި ތޮއްޖެހިފައި އޮތުމަކީ މި ބަލި އިންތިހާއަށް ފެތުރުމަށް ހުޅުވިގެންދާ ދޮރެއްކަމަށް ސިއްހީ މާހިރުން ވިދާޅުވެއެވެ.

ބަލީގެ މައުލޫމާތު އަވަސް މިނެއްގައި ރައްޔިތުންނަށް ފޯރުކޮށްދޭންޖެހޭކަމަށް ރައީސް ނަޝީދުވެސް ވިދާޅުވެފައި ވާއިރު، އެޗްއަންއެންވަންއާ ގުޅޭ ގޮތުން ސަރުކާރުން ހާމަކުރި މައުލޫމާތު ވަނީ ފަހުން ބަދަލުކޮށްފަ އެވެ. އެންމެ ފަހުން ބޭއްވި ޕްރެސްގައި އެޗްވަންއެންވަން ނުވަތަ ނުރައްކާތެރި ސްވައިން ފްލޫ ބަލީގައި މިހާތަނަށް އެކަކު ވަނީ މަރުވެފައިވާ ކަމަށް ހާމަކޮށްފައެވެ.

ރޯގާ ފެތުރެމުންދާ މިންވަރަށް ބަލައި ނުރައްކާ ބޮޑުވެ، އެލާޓް ލެވަލް 3 ހެލްތް މިނިސްޓްރީން ހޯމަދުވެހުގެ ރޭ ވަނީ ވަނީ އިއުލާނުކޮށްފައެވެ.