ފުވައްމުލަކުގަ ހިނގި އެކްސިޑެންޓެއްގައި ދެ މީހަކަށް އަނިޔާވެއްޖެ
30 ޑިސެމްބަރު 2019 | ހޯމަ 18:11މިއެކްސިޑެންޓްގައި އަނިޔާވެފައިވަނީ ސައިކަލް ދުއްވަން އިން މީހާ އާއި އޭނާގެ ފަހަތުގައި އިން މީހާއަށް
ފުވައްމުލަކު ސިޓީ- އެކްސިޑެންޓެއް ހިނގާ ދެމީހަކަށް އަނިޔާވެފައިވާކަމަށް ފުލުހުން ބުނޭ
ފުވައްމުލަކުގަ ހޯމަ ދުވަހުގެ ރޭ ހިނގި އެކްސިޑެންޓްގައި ދެ މީހަކަށް އަނިޔާވެ ފުވައްމުލަކު ހޮސްޕިޓަލުގައި ފަރުވާ ދެމުން އެބަދެއެވެ.
ފުލުހުން ބުނީ ހޯމަ ދުވަހުގެ ރޭ 20:24 ހާއިރު ފުވައްމުލަކު ދަނޑިމަގު ގޭ މިސްކިތާއި ދިމާލަށް ނައިބު ތުއްތު މަގުން ބާރަށް ދުއްވާފައި ދިޔަ ސައިކަލެއް ކޮންޓްރޯލް ނުކުރެވިގެންގޮސް ސައިކަލު ވެއްޓި ސައިކަލުގަ ތިބި ދެ މީހުންނަށް އަނިޔާވެފައިވާ ކަމަށެވެ. އެގޮތުން ސައިކަލު ދުއްވަން އިން 37 އަހަރުގެ ފިރިހެން މީހާގެ މޫނުގެ ކަނާތްފަޅިން ވަރަށް ބޮޑަށް މަށައިގެންގޮސް އަނިޔާވެފައިވާ ކަމަށް ފުލުހުން ބުނެއެވެ. އަދި ފަހަތުގައި އިން އުމުރުން 19 އަހަރުގެ އަންހެން މީހާގެ ގައިގެ އެކި ތަންތަނުން ހަން މަށައިގެންގޮސް އެކިވަރުގެ އަނިޔާ ލިބިފައިވާކަަމަށް ފުލުހުން ބުނެއެވެ.
މި އެކްސިޑެންޓުގައި ސައިކަލް ދުއްވަން އިން މީހާގެ އަތުގަ އެއްގަމު އުޅަނދު ދުއްވުމުގެ ލައިސަންސް ނެތްކަމަށްވެސް ފުލުހުން ބުނެއެވެ.
މިމައްސަލަ ފުލުހުން އިތުރަށް ތަހުޤީޤު ކުރަމުންދާ ކަމަށްވެސް ފުލުހުން ބުނެއެވެ.
