ކ. މާލެ
|
10 ޖެނުއަރީ 2017 | އަންގާރަ 04:40
ފުލުހުންގެ އިދާރާ: ހުޅުމާލޭގައި ހިނގި އެކްސިޑެންޓް ދަނީ ތަހުގީގް ކުރަމުން
ފުލުހުންގެ އިދާރާ: ހުޅުމާލޭގައި ހިނގި އެކްސިޑެންޓް ދަނީ ތަހުގީގް ކުރަމުން
މުހައްމަދު ޝަރުހާން
ެއެކްސިޑެންޓް
ހުޅުމާލޭގައި ހިނގި އެކްސިޑެންޓްގައި ހާލު ސީރިއަސްވި މީހާ ވަރަށް ބޮޑަށް ވަނީ ރަނގަޅުވެފައި:އޭޑީކޭ
 
އެކްސިޑެންޓް ހިނގީ އެޗްޑީސީގެ ޕިކަޕަކުން ޖެހި

ހުޅުމާލޭގައި މިމަހުގެ ދެވަނަ ދުވަހު ހިނގި ނުރައްކާތެރި އެކްސިޑެންޓުގައި ސީރިއަސް ޒަހަމެއް ލިބުނު މީހާގެ ހާލު ވަރަށް ބޮޑަށް ރަނގަޅު ކަމަށް އޭޑީކޭ ހޮސްޕިޓަލުން ބުނެފި އެވެ.

ރާއްޖެ އެމްވީއަށް މައުލޫމާތު ދެއްވަމުން އެ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް ވިދާޅުވީ ޒަހަމްވެގެން ސީރިއަސް ހާލަތުގައި ފަރުވާދެމުން އައި މީހާގެ ހާލު ރަނގަޅު ވަމުން އަންނަ ކަމަށެވެ. 

ކިހާތާކު ދޫކޮށްލެވޭވަރު ވާނެތޯ ސުވާލުކުރުމުން އައްފާލް ވިދާޅުވީ އަދި އެކަމާ ގުޅޭގޮތުން ކޮމެންޓެއް ކުރައްވަން ދަތިކަމަށާއި އެހެންނަމަވެސް އެމީހާގެ ހާލު މިހާރު ވަރަށް ބޮޑަށް ރަނގަޅު ކަމަށެވެ.

މި އެކްސިޑެންޓު ހިނގީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ޕިކަޕް ކޮންޓްރޯލް ނުވެ، އެ ސަރަހައްދުން ހިނގާފައި ދިޔަ މީހެއްގެ ގައިގައި ޖެހިގެންނެވެ. ބަނގްލަދޭޝްގެ އެ މީހާގެ ގައިގައި ޖެހުމަށް ފަހު ޕިކަޕް މައިތިރިވީ މަގުގެ އެއް ފަރާތުގައި ހުރި ބޮޑު ފިތުރޯނު ގަހެއްގައި ޖެހިފަ އެވެ.އެކްސިޑެންޓުވުމާއެކު އޭނާ ހުޅުމާލޭ ހޮސްޕިޓަލަށް ގެންދިޔަ އެވެ. ނަމަވެސް ހާލު މާ ބޮޑަށް ސީރިއަސްވުމުން އޭނާ ވަނީ އޭޑީކޭ އަށް ގެނެސް ފަރުވާ ދޭން ފަށައިފަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް