ލ. ގަމުގައި ހިނގި ނުރައްކާތެރި އެކްސިޑެންޓެއްގައި ޒުވާނަކު މަރުވެއްޖެ
10 ފެބުރުއަރީ 2017 | ހުކުރު 18:42އެކްސިޑެންޓްގައި މަރުވީ 27 އަހަރުގެ ޒުވާނަކު
މުހަންމަދު ވިސާމް | 10 ފެބުރުއަރީ 2017 | ހުކުރު 18:42
އެކްސިޑެންޓުގައި މަރުވި ޒުޥާނާ ދުއްވަން އިން ސައިކަލް
ލާމް ލިންކް ރޯޑުގައި ނުރައްކާތެރި އެކްސިޑެންޓެއް ހިނގައި ޒަހަމްވި ޒުވާނާ މަރުވެއްޖެއެވެ.
ފުލުހުން ބުނީ ހުކުރު ދުވަހު ހަވީރު 17:30 ހާއިރު ދެ ސައިކަލް ޖެހި ހިނގި އެކްސިޑެންޓްގައި 27 އަހަރުގެ ޒުވާނަކު މަރުވި ކަމަށެވެ. ރާއްޖެއެމްވީ އަށް މައުލޫމާތު ލިބިފައިވާ ގޮތުގައި މަރުވީ މުހައްމަދު ރިފްޝާނު ކިޔާ ޒުވާނެކެވެ.
ގަމު ރީޖަނަލް ހޮސްޕިޓަލުން ބުނީ ރިފްޝާން ހޮސްިޓަލަށް ގެންދިޔަ އިރު ވެސް އޮތީ މަރުވެފައި ކަމަށެވެ. ރިފްޝާންގެ އިތުރުން ޒަހަމްވި އެހެން ޒުވާނަކަށް ވެސް ދަނީ ހޮސްޕިޓަލުގައި ފަރުވަދެމުނެވެ.
މި އެކްސިޑެންޓް ހިނގާފައި ވަނީ ލާމް ލިންކް ރޯޑްގެ ކުރިހިންނެ އާއި ހިސާބުންނެވެ.
ފުލުހުން ދަނީ މިކަން ތަހްގީގް ކުރަމުނެވެ.
