ކ. މާލެ
|
18 ޑިސެންބަރ 2019 | ބުދަ 16:29
ޒިދާން (ކ)
ޒިދާން (ކ)
އޭއެފްޕީ/ގެޓީ
ސްޕެނިޝް ލަލީގާ
މެސީ ދެކެ ބިރެއްނުގަނޭ، ރެއާލުން ނިކުންނާނީ މެޗު ކާމިޔާބު ކުރަން: ޒިދާން
 
ކެޓަލޯނިއާގައި ކުރަމުންދާ މުޒާހަރާ ތަކުގެ ސަބަބުން މި މެޗު ވަނީ ދެ ބުރެއްގެ މަތިން ފަސް ކޮށްފަ

ބުދަ ދުވަހުގެރޭ ކުޅުމަށް ހަމަޖެހިފައިވާ އެލް ކްލެސިކޯ މެޗަށް ނިކުންނައިރު ބާސެލޯނާގެ ތަރި މެސީ ދެކެ ބިރު ނުގަންނަ ކަމަށް ރެއާލް މެޑްރިޑްގެ ކޯޗު ޒައިނުއްދީން ޒިދާން ބުނެފިއެވެ.

ދުނިޔޭގެ އެންމެގިނަ މީހުން ބަލާ މެޗު ގޮތުގައި ފާހަގަވެފައިވާ މި މެޗަށް ރެއާލުން ނިކުންނައިރު އެޓީމު އޮތީ މެޗަށް ވަރަށް ރަނގަޅަށް ތައްޔާރުވެފައި ކަމަށް ބުނަމުން ޒިދާން ބުނީ، މި މެޗަށް ނިކުންނައިރު ކުޅުންތެރިން 90 މިނެޓު އެ ކުޅުންތެރިންގެ އެންމެ މޮޅު ކުޅުން ދައްކަން ޖެހޭނެ ކަމަށާއި އެހެން ނޫންނަމަ ލަނޑު ލިބޭނެ ކަމަށެވެ.

މެސީ އާއި ބެހޭ ގޮތުން ވާހަކަ ދައްކަމުން ޒިދާން ބުނީ މެސީ އަކީ ދުނިޔޭގައި މިވަގުތު ހުރި އެންމެ މޮޅު ދެ ކުޅުންތެރިންގެ ތެރެއިން އެއް ކުޅުންތެރިއެއް ކަމަށާއި، އޭނާ އަކީ ލިބޭ ކޮންމެ ފުރުސަތެއްގެ ބޭނުން ހިފާ ކުޅުންތެރިއެއް ކަމަށެވެ. ނަމަވެސް މި މެޗަށް ނިކުންނައިރު ރެއާލުން ނިކުންނާނީ މެސީ ހިފަހައްޓަން ވަކި ޕްލޭންއެއް ނެތި ކަމަށާއި ރެއާލުގައި ތިބި ކުޅުންތެރިންނަކީ ނަތީޖާ ނެރެވޭނެ ފެންވަރުގެ ކުޅުންތެރިން ކަމަށެވެ.

މި މެޗަށް ރެއާލް އަދި ބާސެލޯނާ ނިކުންނައިރު ތާވަލުގެ އެއްވަނައިގައި އޮތް ބާސެލޯނާއަށާއި ދެވަނައިގައި އޮތް ރެއާލް މެޑްރިޑަށް ލިބިފައިވަނީ 35 ޕޮއިންޓެވެ. މި މެޗުން މޮޅުވެގެން ދެ ޓީމަށް ވެސް ތާވަލުގެ އެއް ވަނައިގައި ތިން ޕޮއިންޓުގެ ލީޑެއް ނެގުމުގެ ފުރުސަތު އެބައޮތެވެ.

މި މެޗު ފަށާނީ ބުދަ ދުވަހުގެ ރޭ ރާއްޖެ ގަނޑިން 12 ޖަހާ އިރުއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
0%
0%
ކޮމެންޓް