ކ. މާލެ
|
6 އޭޕްރިލް 2017 | ބުރާސްފަތި 01:39
އާޖެންޓީނާ އަށް މެސީ ކުޅުނު މެޗެއްގެ ތެރެއިން
އާޖެންޓީނާ އަށް މެސީ ކުޅުނު މެޗެއްގެ ތެރެއިން
ބީބީސީ
ލިއޮނެލް މެސީ
ފާޑުކިއުންތަކަށް ސަމާލުކަމެށް ނުދެން: މެސީ
 
ތައްޓެށް ހޯދަން ކުޅުންތެރިންވެސް ވަރަށް ބޭނުންވޭ
 
ރަން މެޑައްޔަކަށް އެދި ސަޕޯޓަރުން ކުރާ އާދޭސް ގަބޫލުކުރަން

ސަޕޯޓަރުންގެ ފާޑުކިޔުންތަކަށް އެއްވެސް ސަމާލުކަމެށްނުދޭ ކަމަށް އާޖެންޓީނާގެ ކެޕްޓަން ލިއޮނަލް މެސީ ބުނެފި އެވެ.

މެސީ މިހެން ބުނެފައިވަނީ އޭނާއަށް ގައުމީ ޓީމާއެކު ކާމިޔާބީއެށް ހޯދިފައި ނުވާތީ އެކަމުގެ ސަބަބުން އަމާޒުވާ ފާޑުކިއުންތަކަށް ރައްދު ދެމުންނެވެ. ވޯލްޑް ކަޕް ކޮލިފައިގައި އާޖެންޓީނާއަށް މުބާރާތަށް ކޮލިފައި ވުމުގެ އޮޓޮމެޓިކް ޖާގަ މިވަގުތު ގެއްލިފައި އޮތުމުން މެސީއަށް އަމާޒުވާ ފާޑުކިއުންތަށް ވަނީ އިތުރުވެފަ އެވެ.

ފާޑުކިއުންތަކަށް ރައްދު ދެމުން މެސީ ބުނެފައިވަނީ އޭނާއަށް ކުރިމަތިވާ ފާޑުކިއުންތަކަށް އެއްވެސް ފަރުވާލެށް ނުދޭ ކަމަށާ ސަޕޯޓަރުން ޑިމާންޑް ކުރާ ކަންތައްތަށް ޓީމުގެ ހުރިހާ ކުޅުންތެރިންވެސް ހާސިލް ކުރަން ބޭނުން ކަމަށެވެ. މެސީ ބުނެފައިވަނީ، 2008 ވަނަ އަހަރު އޮލިމްޕިކް ގޭމްސްގައި ގައުމީ ޓީމަށް ލިބުނު ކާޔާބީގެ އަގު ކުލަބު ލެވެލްގައި ލިބުނު ހުރިހާ ކާމިޔާބީ ތަކަށްވުރެވެސް ބޮޑު ކަމަށެވެ.

 މެސީއަށް ކުލަބު ލެވެލްގަޔާއި އިންޑިވިޖުއަލް، ބޮޑެތި ގިނަ ކާމިޔާބީތަކެށް ލިބިފައި ވީ ނަމަވެސް ސީނިއާ ގައުމީ ޓީމާއެކު ރަން މެޑަލްއެއް ހާސިލް ކުރެވިފައެށް ނުވެ އެވެ. ނަމަވެސް މެސީ ވަނީ ގައުމީ ޓީމާއެކު ތިން ފަހަރެއްގެ މައިން ރިހި މެޑަލް ހޯދާފައެވެ. އެގޮތުން 2014 ވަނަ އަހަރުގެ ވޯލްޑް ކަޕާއި، 2015 އަދި 2016 ވަނަ އަހަރުގެ ކޮޕާ އެމެރިކާގެ ފައިނަލުންވެސް އާޖެންޓީނާ ވަނީ ބަލިވެފަ އެވެ. އޭގެތެރެއިން 2016 ވަނަ އަހަރުގެ ކޮޕާ އެމެރިކާގެ ފައިނަލުން އާޖެންޓީނާ ކަޓާފައިވަނީ ޕެނަލްޓީގައި މެސީއަށް ހެދުނު ބޮޑު ގޯހެއްގެ ސަބަބުންނެވެ. އެއާއެކު އޭނާއަށް އަމާޒުވި ފާޑުކިއުންތަކާއެކު އޭނާ ވަނީ ގައުމީ ޓީމަށް ކުޅުން ހުއްޓާލިކަން އިއުލާން ކޮއްފަ އެވެ.

 ނަމަވެސް އަލުން ގައުމީ ޓީމާ މެސީ ގުޅިފައި ވާއިރު ވޯލްޑް ކަޕް ކޮލިފައިންގައި ރެފްރީ އާއި ދިމާލަށް ހަޑި ހުތުރު ބަސް ބޭނުންކުރި މައްސަލަ އެއްގައި މެސީ މިވަގުތު ހުރީ ބައިނަލް އަގުވާމީ 4 މެޗުން ސަސްޕެންޑް ކޮށް ދިހަ ހާސް ޔޫރޯއިން ޖޫރިމަނާ ކޮއްފަ އެވެ. މެސީގެ ސަސްޕެންޝަނާ ގުޅިގެން އޭނާ ނުލައި އާޖެންޓީނާ ކުޅުނު ފުރަތަމަ މެޗުން އެޓީމު ބަލިވެ މުބާރާތަށް ކޮލިފައި ވުމުގެ އޮޓޮމެޓިކް ޖާގަ ޖެއްލިފައި ވުމުން މެސީއަށް ކުރުމަތިވާ ފާޑުކިއުންތަށް ވަނީ އިތުރު ވެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް