އިންޑިއާގެ ސްޓޭޓް ތަކުގެ އިންތިޚާބުގައި ބީޖޭޕީ ކުރީގައި

ބޮޑުވަޒީރު ނަރެންދުރަ މޯދީ މަގާމުގައި ހުންނެވުމަށް ނަގާ ފެންނަ ނުފެންނަވޯޓެއްގެ ގޮތުގައި ގިނަ ބަޔަކު ބަލަމުންދާ އިންޑިއާގެ ސްޓޭޓް އިންތިޚާބުގެ ވޯޓް ގުނުން ފަށައިފިއެވެ.

އިންތިޚާބުގައި އެންމެ ބޮޑަށް ނަޒަރު ހުއްޓިފައިވަނީ އެންމެ އާބާދީ ބޮޑު އަދި ސިޔާސީ ގޮތުން އެންމެ ހަރަކާތްތެރި އެއް ސްޓޭޓް ކަމަށްވާ އުއްތަރު ޕްރަދޭޝް އަށެވެ.

އެ ސްޓޭޓްގެ އެންމެ ވަރުގަދަ ޕާޓީތައް ކަމަށްވާ އެ ސްޓޭޓްގެ ވެރިކަން ހިންގާ ޕާޓީ، ސަމަޖްވާދީ ޕާޓީއާ ބަހުޖާން ސަމަޖް ޕާޓީއާ ދެކޮޅަށް ބީޖޭޕީން ވަނީ ވަރުގަދަ ކެމްޕޭނެއް ކުރިޔަށް ގެންގޮސްފައެވެ.

މިހާތަނަށް ގުނި ވޯޓްގެ ނަތީޖާ ދައްކާގޮތުން ބީޖޭޕީން އިންތިޚާބް ކާމިޔާބު ކުރާނެއެވެ. ނަމަވެސް މީގެ ކުރިން މިއީ ގޯސް ނަތީޖާއެއްކަމަށްވެސް ދައްކާފައިވެއެވެ.

ބޮޑުވަޒީރު މޯދީ ވަނީ ޕާޓީއަށް ވަރުގަދަ ކެމްޕެއިނެއް ކޮށްދެއްވާފައެވެ. މޯދީ ވަނީ ކުރިއެރުމާއި ޒަމާނީ ގޮތްތައް ގެނެސްދެއްވައި ކޮރަޕްޝަން މުލުން ލުހެލަން ވައުދުވެ ވަޑައިގެންފައެވެ.

ފަގީރު އަދި ހިންދީ އެކި ސެކްޓް ތަކަށް ބެހިފައިވާ ސްޓޭޓްގައި މިއީ ވަރުގަދަ ވައުދުތަކެކެވެ. ނަމަވެސް އެ މަނިކުފާނުގެ ކުލަގަދަ ގައުމީ އަދި ހިންދޫ ވިސްނުން އެންމެނަކަށް ކަމަކު ނުދެއެވެ. އަދި ކޮރަޕްޝަނާ ދެކޮޅަށް ކުރެއްވި މަސައްކަތުގައި ބޮޑެތި އަދަދުތަކުގެ ނޫޓް އުވާލުން ވެގެން ގޮސްފައިވަނީ އިތުރު ދަތިކަމެއް ކުރުވި ކަމަކަށެވެ.

އުއްތަރު ޕްރަދޭޝްގެ އިތުރުން އުތުރުގެ ސިޓީއެއްކަމަށްވާ ޕަންޖާބާއި އުއްތަރުޚާންދު އަދި ހުޅަނގުގެ ސްޓޭޓެއްކަމަށްވާ ގޯއާ އަދި އިރުއުތުރުގެ މަނިޕޫރުގައިވެސް ނަތީޖާ އިއުލާނު ކުރާނެއެވެ.