މިއަހަރު ރައީސްް ޓްރަމްޕް ރަސްމީ ދަތުރުފުޅެއްގައި ޗައިނާއަށް ވަޑައިގަންނަވާނެ: ސެކްރެޓަރީ އޮފް ސްޓޭޓް

ރައީސް ޝީ އެމެރިކާގެ ރައީސް ޑޮނަލްޑް ޓްރަމްޕް ޗައިނާއަށް ވަޑައިގަތުމަށް ޗައިނާގެ ރައީސް ޝީ ޖިންޕިން އެރުއްވި ދައުވަތު، ރައީސް ޓްރަމްޕް ގަބޫލުފުޅު ކުރައްވާފައިވާ ކަމަށް އެމެރިކާގެ ސެކްރެޓަރީ އޮފް ސްޓޭޓް ރެކްސް ޓިލާސަން ވިދާޅުވެއްޖެއެވެ.

ޗައިނާ އަށް ވަޑައިގަތުމަށް ޓްރަމަށް ދައުވަތު ދެއްވީ ޝީ މިހާރު އެމެރިކާއަށް މިހާރު ކުރައްވަމުން ގެންދަވާ ދަތުރުފުޅުގައެވެ.

ޓިލާސަން އިތުރަށް ވިދާޅުވީ 2017 ގައި ރައީސް ޓްރަމްޕް ޗައިނާއަށް ރަސްމީ ދަތުރުފުޅެއްގައި ވަޑައިގަންނަވާނެ ކަމަށެވެ. އިތުރު ތަފްސީލެއް ނުދެއްވައެވެ.

އެމެރިކާގެ ރައީސް ކަމާއި ޑޮނަލްޑް ޓްރަމްޕް ހަވާލުވެވަޑައިގަތް ފަހުން ޗައިނާގެ ރައީސް ޝީ ޖިންޕިން، ރައީސް ޓްރަމްޕާއި ކުރައްވާ ފުރަތަަމަ ބައްދަލުވުމަށް އެމެރިކާ އަށް ބުރާސްފަތި ދުވަހު ވަނީ ވަޑައިގެންފައެވެ.

ރިޕޯޓުތައް ބުނާގޮތުން ރައީސް ޓްރަމްޕް، އުތުރު ކޮރެއާ އާ ދެކޮޅަށް ފިޔަވަޅު އެޅުމަށް ރައީސް ޝި އަށް ވަނީ ބާރު އަޅުއްވާފައެެވެ. އަދި ރައީސް ޝީ، ޓައިވާންއާ ގުޅޭ ކަންކަމުގައި، ރައީސް ޓްރަމްޕާއި މަޝްވަރާ ކުރައްވާފައިވާ ކަމަށް ރިޕޯޓުތައް ބުނެއެވެ.

ރައީސް ޓްރަމްޕް މީގެ ކުރިން ރައީސް ޝީ އާއި އެކު ބާއްވާ ބައްދަލުވުމާއި ގުޅޭގޮތުން ވިދާޅުވެފައި ވަނީ ދެބޭފުޅުން ގެ ސަމިޓަކީ "ވަރަށް އުނދަގޫ ސަމިޓަކަަށް" ވާނެ ކަމަށެވެ. މިދިޔަ އަހަރު ރައީސް ޓްރަމްޕް ޗައިނާއާ ދޭތެރޭ ވިދާޅުވެފައި ވަނީ ޗައިނާ އިން އުޅެނީ "އެމެރިކާ ރޭޕް ކުރުމަށް" ކަަމަށެެވެ.