މެލޭޝިއާ އެމްބަސީން އިންތިޒާމުކުރި ފުޓްސަލް ކާނިވަލްގެ ޗެމްޕިއަންކަން ކޭއެލް ޓައިޓަންސް ހޯދައިފި
14 ސެޕްޓެމްބަރު 2019 | ހޮނިހިރު 19:53މުބާރާތުގައި 15 ފިރިހެން އަދި ހަތަރު އަންހެން ޓީމު ބައިވެރިވި
މެލޭޝިއާގައި ކުރިޔަށްދިޔަ ފުޓްސަލް ކާނިވަލްގެ ތެރެއިން
މެލޭޝިއާގައި ހުންނަ ދިވެހި އެމްބަސީން އެގައުމުގައި އުޅޭ ދިވެހިންނަށް އަމާޒުކޮށްގެން ބޭއްވި ފުޓްސަލް ކާނިވަލް 2019 ގެ ޗެމްޕިއަންކަން ކޭއެލް ޓައިޓަންސް ހޯދައިފިއެވެ.
މުބާރާތުގެ އަންހެން ފައިނަލް މެޗު ހޮނިހިރު ދުވަހު ކުޅެފައިވާއިރު، ކޭއެލް ޓައިޓަންސްއިން މުބާރާތުގެ ޗެމްޕިއަންކަން ހޯދީ ޑީޓީއޭއެފްއެވެ. މުބާރާތުގެ އަންހެން ބައިގެ ޗެމްޕިއަކަން ހޯދީ ފައިނަލުގައި ފަޓްސަލް ބަލިކޮށް ވަލްކައިރީ ޔުނައިޓެޑެވެ.
މުބާރާތުގެ ނިންމުމުގެ ރަސްމިއްޔާތުގައި ޔޫތު މިނިސްޓްރީގެ ސްޓޭޓް މިނިސްޓަރ އަސްހަދު އަލީ އާއި ރާއްޖެއިން ސިންގަޕޫރަށް ހަމަޖައްސާފައިވާ ސަފީރު ޑރ. އަބްދުﷲ މައުސޫމްގެ އިތުރުން ކުރީގެ މިނިސްޓަރ އޮފް ސްޓޭޓް ހާމިދު އަބްދުލް ގަފޫރުވެސް ވަނީ ބައިވެރިވެވަޑައިގެންފައެވެ.
މުބާރާތުގައި ޖުމްލަ ފިރިހެން 15 ޓީމު އަދި ހަތަރު އަންހެން ޓީމު ވަނީ ބައިވެރިވެފައެވެ. އަދި ޖުމްލަ 170 ކުޅުންތެރިން ވަނީ މުބާރާތުގައި ކުޅެފައެވެ.
މި މުބާރާތަކީ މެލޭޝިއާގައި އުޅޭ ދިވެހިން ކުޅިވަރު ކުޅުމަށް ހިތްވަރުދީ، މެލޭޝިއާގައި ހުންނަ ދިވެހި އެމްބަސީ އާއި އެތަނުގައި ދިރިއުޅޭ ދިވެހިންނާ ދެމެދު އޮތް ގުޅުން ވަރުގަދަ ކުރުމުގެ މަގްސަދުގައި ބޭއްވި މުބާރާތެކެވެ.
