ކ. މާލެ
|
6 އޭޕްރިލް 2017 | ބުރާސްފަތި 00:25
އިންޓަރ ރިސޯޓް ފުޓްސަލް ލީގުގައި ބުދަ ދުވަހު ކުޅުނު މެޗެއްގެ ތެރެއިން
އިންޓަރ ރިސޯޓް ފުޓްސަލް ލީގުގައި ބުދަ ދުވަހު ކުޅުނު މެޗެއްގެ ތެރެއިން
ރާއްޖެއެމްވީ
ރިސޯޓް ފުޓްސަލް
ރިސޯޓް ފުޓްސަލް މުބާރާތުގެ ކުޅުން ފިހާޅޮހީގައި ފަށައިފި
 
ބުދަ ދުވަހު ފަށާފައިވަނީ ސައުތް މާލޭ ޒޯންގެ ކުޅުން
 
މިއަހަރު މުޅިން އަލަށް ދ. އަތޮޅު ވަނީ ބައިވެރިވެފަ

ރާއްޖޭގެ ރިސޯޓްތަކުގެ މެދުގައި ކުރިއަށްދާ އެންމެ ބޮޑު ފުޓްސަލް މުބާރާތުގެ ފުރަތަމަ ޒޯނުގެ ކުޅުން ބުދަ ދުވަހު ފަށައިފި އެވެ.

ސައުތު މާލޭ ޒޯން ފިހާޅޮހި އައިލެންޑް ރިސޯޓުގައި ބުދަ ދުވަހު ކުޅުން ފެށިއިރު ދެ މެޗެއް ވަނީ ކުޅެފަ އެވެ. އެގޮތުން ފުރަތަމަ މެޗުގައި ބައްދަލުކުރީ ސައުތު މާލެ ޒޯނުގެ ގްރޫޕް "އޭ"ގެ ވެލައްސަރު މޯލްޑިވްސް އާއި ފިހާޅޮހި އެވެ. މި މެޗު ހަތެއް އެކެއްގެ ތަފާތު ބޮޑު ނަތީޖާއަކުން ކާމިޔާބުކުރީ ވެލައްސަރު މޯލްޑިވްސް އެވެ. މި މެޗުގައި ވެލައްސަރަށް ލަނޑުތައް ކާމިޔާބުކޮށްދިނީ ހެޓްރިކް ހެދި އަލީ ޝާނިއު އާއި ދެލަނޑު ޖެހި އިބްރާހިމް ސައީދުގެ އިތުރުން ދެލަނޑު ޖެހި މުހައްމަދު އިނާޒެވެ.

މި މެޗުގައި ފިހާޅޮހިން ޖެހި ހަމައެކަނި ލަނޑު އެޓީމަށް ކާމިޔާބުކޮށްދިނީ މުހައްމަދު ވަޖުދީ އެވެ.
މުބާރާތުގައި ކުޅުނު ދެވަނަ މެޗުގައި ބައްދަލުކުރީ ސައުތު މާލެ ޒޯނުގެ ގްރޫޕް ބީގެ ކޮމޯ ކޮކޯ އައިލެންޑާއި އަނަންތަރާ މޯލްޑިވްސް އެވެ. މި މެޗު ނިމުނީ 3-3 އިން ދެޓީމު އެއްވަރުވެގެންނެވެ.

މެޗުގައި ކޮމޯ ކޮކޯ އައިލެންޑަށް ލަނޑުތައް ކާމިޔާބުކޮށްދިނީ އަނީސް އަލީ އާއި މުހައްމަދު ސާހިލްގެ އިތުރުން އަހުމަދު ޝަހީން އެވެ. މެޗުގައި އަނަންތަރާ މޯލްޑިވްސްއިން ޖެހި ލަނޑުތައް ކާމިޔާބުކޮށްދިނީ ދެ ލަނޑު ޖެހި އަލީ ބުޝްރީގެ އިތުރުން އަހުމަދު ހުމައިދެވެ.
ހަތަރު ޒޯނުގެ ތެރެއިން ސައުތު މާލެ ޒޯނުގެ ކުޅުން ބުދަ ދުވަހު ފެށިއިރު، މުބާރާތުގެ މެޗުތައް ކުޅޭ އަނެއް ތިން ޒޯނަކީ ނޯތު މާލެ ޒޯނާއި ސައުތު އަރި ޒޯން އަދި ދ. ޒޯނެވެ.
މިއަހަރުގެ މުބާރާތުގައި 26 ރިސޯޓަކުން ވާދަކުރާއިރު މުބާރާތުގެ މެޗުތައް ހަތަރު ޒޯންގައި ކުރިޔަށްދާނެ އެވެ.

ސައުތު މާލެ ޒޯންގައި ވާދަކުރާ ހަތް ޓީމު ވަނީ ދެ ގްރޫޕަކަށް ބަހާލާފަ އެވެ. އެގޮތުން ގްރޫޕް "އޭ" ގައި ހިމެނެނީ ވެލައްސަރު މޯލްޑިވްސް އާއި އޮޅުވެލި ބީޗް ރިސޯޓް އެންޑް ސްޕާ އާއި ޖުމެއިރާ ވިޓަވެލި އަދި ފިހާޅޮހި އެވެ.

ގްރޫޕް "ބީ" ގައި ހިމެނެނީ ކޮމޯ ކޮކޯ އައިލެންޑާއި އަނަންތަރާ މޯލްޑިވްސް އާއި ހޮލިޑޭ އިން ރިސޯޓް ކަނޑޫމާ މޯލްޑިވްސް އެވެ.

އެންމެ ގިނަ ޓީމުތައް ވާދަކުރާ ނޯތު މާލެ ޒޯންގައި ނުވަ ޓީމު ވާދަކުރާ އިރު ގްރޫޕް "އޭ" ގައި ހިމެނެނީ ކޮކޯ ބޮޑު ހިއްޗާއި ޝެރަޓަން މޯލްޑިވްސް ފުލްމޫން ރިސޯޓް އެންޑް ސްޕާ އާއި ކުރުނބާ މޯލްޑިވްސް އާއި ބަރޮސް މޯލްޑިވްސް އަދި ވަންއެންއޮންލީ ރީތި ރަށެވެ.

ގްރޫޕް "ބީ" ގައި ހިމެނެނީ މީރު އައިލެންޑް ރިސޯޓް އެންޑް ސްޕާ އާއި ސެންޓާރާ ރަސްފުށި ރިސޯޓް އެންޑް ސްޕާ މޯލްޑިވްސް އާއި ފޯސީޒަން ރިސޯޓް މޯލްޑިވްސް އެޓް ކުޑަހުރާ އަދި ޕާކުއަމް ހުވަފެންފުއްޓެވެ. މި ޒޯންގެ ކުޅުން ކުރިއަށްދާނީ ރީތިރަށުގަ އެވެ.

ނޯތު އަރި ޒޯންގައި ހަ ރިސޯޓް ވާދަކުރާއިރު ގްރޫޕް "އޭ" ގައި ހިމެނެނީ ސެންޓާރާ ގްރޭންޑް އައިލެންޑް ރިސޯޓް އެންޑް ސްޕާ މޯލްޑިވްސް އާއި ވިލަމެންދޫ އައިލެންޑް ރިސޯޓް އެންޑް ސްޕާ އާއި ކޮންރަޑް މޯލްޑިވްސް ރަންގަލި އައިލެންޑެވެ.

ގްރޫޕް "ބީ" ގައި ހިމެނެނީ ލަކްސް ސައުތު އަރިއެޓޯލް އާއި އަންގާގާ އައިލެންޑް ރިސޯޓް އެންޑް ސްޕާ އާއި ލިލީ ބީޗް ރިސޯޓް އެންޑް ސްޕާ އެވެ. އެންމެ ފަހުން ކުޅުން ފެށުމަށް ހަމަޖެހިފައިވާ ސައުތު އަރި ޒޯންގެ މެޗުތައް ކުރިޔަށްދާނީ ކޮންރަޑްގަ އެވެ.

މިއަހަރު މުޅިން އަލަށް ބައިވެރިވެފައިވާ ޒޯނަކީ ދ. އަތޮޅު ޒޯނެވެ. އެގޮތުން ދ. ޒޯންގައި ބައިވެރިވެފައި ވަނީ ޕާކުއަމް ނިޔާމަ އާއި ޑި-އެސްޓީ. ރެޖިސް މޯލްޑިވްސް ވޮއްމުލި ރިސޯޓް އާއި އާވީ ނޭޗަސް ޕެރަޑައިސް އާއި ކަނޑިމާ މޯލްޑިވްސް އެވެ.
މި ޒޯންގެ މެޗުތައް ކުޅުމަށް ހަމަޖެހިފައިވަނީ ނިޔާމައިގަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަޒުމޫން އަހުމަދު
0%
0%
0%
0%
0%
0%
ކޮމެންޓް