ވަރލްޑް ބޭޑްމިންޓަން ޗެމްޕިއަންކަން އިންޑިއާގެ ސިންދޫއަށް

ވަރލްޑް ބެޑްމިންޓަން ޗެމްޕިއަންޝިޕްގެ ވިމަންސް ސިންގަލްސް އިވެންޓުން ރަންމެޑަލް އިންޑިއާގެ ސިންދޫ ހޯދައިފިއެވެ.

ސިންދޫ ވަނީ މި މުބާރާތުގެ ފައިނަލުގައި މިދިޔަ ދެ އަހަރު ވެސް ކުޅެފައެވެ. މި އަހަރުގެ ފައިނަލުގައި ސިންދޫ ވާދަކުރީ 2017 ވަނަ އަހަރުގެ ފައިނަލުން އޭނާ ބަލިކުރި ޖަޕާނުގެ ނޮޒޮމީ އޮކުހަރާ އާއެވެ.

ފައިނަލުގައި ސިންދޫ ވަނީ ފަސޭހަކަމާއެކު ނޮޒޮމީ ބަލިކޮށްފައެވެ. އޭނާ މި މެޗު ގެންދިޔައީ ސީދާ 2 ސެޓުންނެވެ. މެޗުގެ ސެޓުތައް ސިންދޫ ގެންދިޔައީ 21-7، 21-7 އިންނެވެ.

އުމުރުން 12 އަހަރުގައި ދުނިޔޭގެ ސަމާލުކަން ހޯދި ސިންދޫ ވަނީ އެ އަހަރު ދުނިޔޭގެ ބެޑްމިންޓަން ރޭންކިންގެ ގަދަ 20 ކުޅުންތެރިންގެ ތެރޭގައި ހިމެނިފައެވެ. 2013 ވަނަ އަހަރު ބޭއްވުނު ބެޑްމިންޓަން ވޯލްޑް ޗެމްޕިއަންޝިޕްގެ ލޯ މެޑަލް ހޯދި މި ކުޅުމްތެރިޔާ ވަނީ 2017 އަދި 2018 ވަނަ އަހަރު އެ މުބާރާތުގެ ރިހި މެޑަލް ހޯދައިފައެވެ.

މީގެ އިތުރުން ސިންދޫ ވަނީ 2016 ވަނ އަހަރު ބޭއްވުނު އޮލިމްޕިކްސް އަދި 2018 ބޭއްވުނު އޭޝިއަން ގޭމްސްއިން ރިހި މެޑަލް ހޯދައިފައެވެ.

އިންޑިއާގައި ކުޅިވަރުންދޭ އެނެމް މަތީ ޝަރަފް ކަމަށްވާ ރަޖީވް ގާންދީ އެވޯޑް 2015 ވަނަ އަހަރު ހޯދި ސިންދޫ ވަނީ 2016 ވަނަ އަހަރު އިންޑިއާގައި މަދަނީ ގޮތުން ދެވޭ ހަތަރުވަނަ އަށް އެންމެ މަތީ ޝަރަފް ޕަދްމާ ޝްރީ އަރުވައިފައެވެ.