އަބްދުﷲ ދީދީގެ ތަހްގީގް މަޖިލިސް އަޑުއެހުމަށް ކިޔުގައި ޖެހެން ފަށައިފި
ތަހްގީގީ މަޖިލިސް އޮތީ 10:00 ގައި ދަރުބާރުގެ ރަންނަބަނޑޭރި ކިލޭގެފާނު މާލަމުގައި
ފަނޑިޔާރު އަބްދުﷲ ދިީދީގެ ތަހުގީގު އަޑު އެހުމަށް މީހުން ކިޔުގައި ޖެހިފައި
އާއްމުންނަށް ހުޅުވާލައިގެން ބުރާސްފަތި ދުވަހު ބޭއްވުމަށް ހަމަޖެހިފައިވާ ސުޕްރީމް ކޯޓުގެ ފަނޑިޔާރު އަބްދުﷲ ދީދީގެ ތަހުގީގު މަޖިލިސް އަޑުއެހުމަށް ކިޔޫގައި ޖެހެން ފަށައިފިއެވެ.
ޖޭއެސްސީން ބުނެފައި ވަނީ ފަނޑިޔާރު ދީދީގެ ތަހްގީގީ މަޖިލިސް އަޑުއަހަން ވަންނަން ބޭނުންވާ ހުރިހާ ފަރާތްތަކަށް ދަރުބާރުގޭ ރަންނަ ބަނޑޭރި މާލަމުގައި ޖާގަ އޮތް މިންވަރަކުން ފުރުސަތު ދޭނެ ކަމަށެވެ.
ޖޭއެސްސީ އިން ބަލަމުންދާ ދިދީގެ ސުލޫކީ ދެ މައްސަލައިގެ ތަހުގީގު ބޭއްވުމަށް ތާވަލުކޮށްފައި ވަނީ ބުރާސްފަތި ދުވަހުގެ ހެނދުނު 10:00 ގައި ދަރުބާރުގެ ރަންނަބަނޑޭރި ކިލޭގެފާނު މާލަމުގައެވެ. 08:30 ފެށިގެން ޖޭއެސްސީގެ މުވައްޒަފުން ދަނީ ތަހްގީގް ކުރިއަށްދާ ސަރަހައްދުގައި ހަރަކާތްތެރިވަމުންނެވެ. ތަހުގީގެއް ގައި ހިފަހައްޓަން ޖެހޭ އުސޫލުތަކާއި ހަމަތަކެއް ހިފަހައްޓަމުން ގެންދާނެ ކަމަށާއި، އެކަމަށް ހުރިހާ ފަރާތެއްގެ އެއްބާރުލުމާއި އެހީތެރިކަން ދިނުމަށް ޖޭއެސްސީން ވަނީ އެދިފައެވެ.
ޖޭއެސްސީން ބުނެފައިވަނީ ފަނޑިޔާރު ދީދީގެ ތަހްގީގީ މަޖިލިސް އަޑުއަހަން ވަންނަން ބޭނުންވާ ހުރިހާ ފަރާތްތަކަށް ދަރުބާރުގޭ ރަންނަ ބަނޑޭރި މާލަމުގައި ޖާގަ އޮތް މިންވަރަކުން ފުރުސަތު ދޭނެ ކަމަށެވެ.
ފަނޑިޔާރު ދީދީގެ ތަހުގީގު މަޖިލިސް ކުރިޔަށް ގެންދިޔުން ލައިވް ކޮށް ކުރިއަށް ގެންދަން ވަނީ ހަމަޖެހިފައެވެ. އެގޮތުން އޮންލައިން މީޑިއާ ތަކުގެ އިތުރުން ޓިވީ ސްޓޭޝަންތަކަށް އެ ފުރުސަތު ވަނީ ދީފައެވެ. ރާއްޖެޓީވީން ވެސް އެ ތަހުގީގު ލައިވް ކުރުމަށް ވަނީ ހަމަޖެހިފައެވެ.
ތަހުގީގު ކުރިޔަށްދާ ގަޑީގައި ސަލާމަތީ ކަންތައްތައް ބަލަހައްޓަމުން ދާނީ ފުލުހުންނާއި އެމްއެންޑީއެފުންނެވެ.
ފަނޑިޔާރު ދީދީގެ ތަހުގީގު އާއްމުންނަށް ހުޅުވާލައިގެން ކުރިޔަށް ގެންދިޔުމަށް ހަމަޖެހިފައިވާ އޭނާގެ އެދުމުގެ މަތިންނެވެ. ޖޭއެސްސީން ތަހުގީގު ކުރަމުންދާ ފެމެލީ ކޯޓުގެ އިސް ގާޒީ ހަސަން ސައީދު ވެސް އެދިވަޑައިގެންފައިވަނީ އޭނާގެ ޝަރިޔަތް ވެސް ހުޅުވާލައިގެން ކުރިޔަށް ގެންދިޔުމަށެވެ
