ރައީސުލްޖުމްހޫރިއްޔާ، އިސްލާމީ ފަތުވާދޭ އެންމެ މަތީ މަޖިލިސްގެ ރައީސް ކަމަށް ބޭފުޅަކު ޢައްޔަނު ކުރައްވައިފި
އިސްލާމީ ފަތުވާ ދޭ އެންމެ މަތީ މަޖިލިސް މެމްނަރުން އައްޔަން ކުރުމުގެ ހުރިހައި ބާރެއް އޮންނަނީ ރައީސް އަށް
އިސްލާމީ ފަތުވާ ދޭ އެންމެ މަތީ މަޖިލިސްގެ ރައީސް ކަމުގެ ފަތްކޮޅު މުހައްނަދު ރަޝީދު އިބްރާހިމް ރަޝީދުއާ ހަވާލު ކުރައްވަނީ
ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، އިސްލާމީ ފަތުވާދޭ އެންމެ މަތީ މަޖިލިސްގެ ރައީސްކަމަށް، ބޭފުޅަކު ޢައްޔަނު ކުރައްވައިފިއެވެ.
މި މަޤާމަށް ޢައްޔަނު ކުރެއްވީ، ގަލޮޅު ގަސްކަރަ، އައްޝައިޚް މުޙައްމަދު ރަޝީދު އިބްރާހީމްއެވެ. އައްޝައިޚް މުޙައްމަދު ރަޝީދު އިބްރާހީމް، އިސްލާމީ ފަތުވާދޭ އެންމެ މަތީ މަޖިލިސްގެ ރައީސް ކަމަށް މި ޢައްޔަނު ކުރެއްވީ، ދިވެހިރައްޔިތުންގެ ދީނީ އެއްބައިވަންތަކަން ޙިމާޔަތް ކުރުމުގެ ޤާނޫނު ފަސް ވަނަ މާއްދާގެ (ހ) ގެ ދަށުން އުފައްދާފައިވާ "އިސްލާމީ ފަތުވާދޭ އެންމެ މަތީ މަޖިލިސް"ގެ ރައީސް ކަމަށް، ޤާނޫނުގެ 12 ވަނަ މާއްދާއިން ރައީސުލްޖުމްހޫރިއްޔާއަށް ޢިނާޔަތްކޮށްދޭ ބާރުގެ ދަށުންނެވެ.
