އައިއެސް ހަނގުރާމަ: ބަގޫޒުން ހަނގުރާމަވެރިން ނުކުންނާތީ އިރާގު ތައްޔާރީ ހާލަތުގައި
21 ފެބުރުއަރީ 2019 | ބުރާސްފަތި 16:22ދުނިޔޭގެ ކޯލިޝަަނުން އައިއެސްއާ ދެކޮޅަށް ހަމަލާދޭން ފަށާފައިވަނީ 2014 ގަ
ބަގޫޒް އަވަށަކީ ހަނގުރާމަވެރިންގެ ބާރުގެދަށުގައި މިހާރު އޮތް ހަމައެކަނިއަވަށް
އައިއެސްގެ އަތްދަށުގައި މިހާރު އޮތް ހަަމައެކަނި އަވަށް ؛ކަމަށްވާ އިރާގުގެ ސަރަހައްދީ ރޮނގުގެ ކައިރީގައި އޮންނަ ބަގޫޒް އަވަށުން އިސްލާމިކް ސްޓޭޓް އޮފް އިރާޤް އެންޑް ލެވަންޓް (އައިސިލް ނުވަ އައިސިސް) ފައްސާލުމަށް ހަނގުރާމަ ފަށާފައި ވާތީ ހަނގުރާމަވެރިން ފިލަން އިރާގަށް ވަދެފާނެކަމުގެ ބިރަށް އެ ގައުމު ސަމާލުކަމަށް ގެނެސްފިއެވެ.
މީގެކުރިން ވެސް އައިއެސްގެ ހަނގުރާމަވެރިންގެ އަތްދަށުގައި އޮތް އިރާގުގެ އުތުރާއި ހުޅަނގުގައި މި ހަނގުރާމަވެރިން އަނެެއްކާ ވެސް ޖަމާއަތްހަދާފާނެކަމުގެ ބިރުވަނީ ހީވެފައެވެ.
އައިއެސްއަށް ހަަމަލާ ދިނުމުގެ މަސައްކަތް އެމެރިކާގެ މަދަދާ އެކު ހަނގުރާމަ ކުރަމުންދާ ސީރިއަން ޑިމޮކްރެޓިކް ފޯސަސް (އެސްޑީއެފް) އެލަޔަންސުން ފަށާފައިވާއިރު އެ އަވަށުން އާއްމުން ނެރެ ރައްކާތެރި ހިސާބުުތަކަށް ގެންދަން ބުދަ ދުވަހު ވަނީ ފަށާފައެވެ.
އަވަށުން ނުކުންނަ އާއިލާތަކުގެ ތެރޭގައި އައިއެސްގެ ހަނގުރާމަވެރިޔަކު ނެތް ކަން ޔަގީން ނުވާކަމަށް ވެސް އެ ޖަމާއަތުން ވަނީ ބުނެފައެވެ.
ހަނގުރާމަވެރިން އަމިއްލައަށް އެސްޑީއެފްއާ ހަވާލުވާން އެއްބަސްވެފަައިވާ ކަމަށް އިނގިރޭސިވިލާތުގައި ގާއިމްވެފައިވާ ސީރިއަން އޮބްޒަރވޭޓަރީ ފޮރ ހިއުމަން ރައިޓްސް އިން ބީބީސީގައި މީގެކުރިން ބުނެފައިވާއިރު އެކަން އަދިވެސްވަނީ ކަށަވަރުނުވެއެވެ.
އައިއެސްއާ ދެކޮޅަށް އެމެރިކާ އިސްވެ އުފައްދާފައިވާ އަސްކަރީ ކޯލިޝަނުން ހަމަލާދޭން ފަށާފައިވަނީ 13 ޖޫން 2014 ގައެވެ.
