ޔަމަނުގައި ހިނގަމުންދާ ހަނގުރާމައިގައި މިހާތަނަށް މަދުވެގެން 10،000 މީހުން މިހާތަނަށް މަރުވެފައިވާ ކަމަަށް އދ އިން ބުނެފިއެވެ.

ޔަމަނުގައި ހޫތީ ހަނގުރާމަވެރިންނާއި އަދި ސައުދީ އިސްވެއޮވެ އުފައްދާފައިވާ ކޯލިޝަނުން ކުރާ ހަނގުރާމައިގައި 10،000 މިހުން މަރުވެފައިވާ ކަަމަށް އދ އިން ބުނާއިރު މި ހަނގުރާމަ މިހާރު ވަނީ 21 މަަހަށް ދިގުދެމިގެން ގޮސްފައެވެ. އދ އިން ބުނާގޮތުން ހަނގުރާމައިގައި މިހާތަނަށް މަރުވި މީހުންގެ އަދަދަށް ބަލާއިރު ވީހާވެސް އަވަހަކަށް މި ހަނގުރާމަ ހުއްޓުވުމުގެ މުހިންމުކަން ދޭހަވެއެވެ.

މިހާތަނަށް މަރުވި މީހުންގެ އަދަދު އދ އިން ހާމަކުރިިއިރު މިދިޔަ ހޯމަ ދުވަހު ޔަމަނުގެ ޕޯޓް ސިޓީއެއް ކަމަަށްވާ އަދަނުގައި އދ އިން ޔަަމަނުގެ މައްސަލާގައި އައްޔަން ކުރައްވާފައިވާ މަންދޫބާއި ޔަމަނުގެ ރައީސް އަބްދުއްރައްބު މަންސޫރު ހާދީ ވަނީ ބައްދަލު ކުރައްވާފައެވެ.

ސައުދީ ކޯލިޝަނުން ހަނގުރާމައިގެ ތެރެއަށް ވަނީ އިންތިޚާބުވެފައިވާ ސަރުކާރު ދެމެހެއްޓުމަށްޓަކައި ކަމަށް ބުނެއެވެ.