އަތޮޅުތެރޭ ސިއްހީ ޚިދުމަތް ދިނުމަށް 164 ސްޕެޝަލިސްޓް ޑޮކްޓަރުން ހޯދަނީ
29 ޖެނުއަރީ 2019 | އަންގާރަ 04:38ސުންގަޑިއަކީ ފެބްރުއަރީ 14
މިނިސްޓްރީ އޮފް ހެލްތު
އަތޮޅު ހޮސްޕިޓަލުތަކާއި ސިއްހީ މަރުކަޒުތަކަށް ސްޕެޝަލިސްޓް ޑޮކްޓަރުން ހޯދަން މިނިސްޓްރީ އޮފް ހެލްތުން އިއުލާނު ކޮށްފިއެވެ.
މިނިސްޓްރީން ހޯމަ ދުވަހު ކުރި އިއުލާނެއްގައި ބުނެފައިވަނީ 164 ސްޕެޝަލިސްޓުން ބޭނުންވާ ކަމަށާއި، އެ ޑޮކްޓަރުން މަސައްކަތް ކުރާނީ މިނިސްޓްރީ އޮފް ހެލްތުގެ ދަށުން އަތޮޅުތެރޭގައި ހިންގާ ހޮސްޕިޓަލުތަކާއި މަރުކަޒުތަކުގައި ކަމަށެވެ.
މަގާމުގެ މުސާރައިގެ ގޮތުގައި 30،990ރ. ކަނޑައަޅާފައިވާއިރު ސާވިސް އެލަވަންސްގެ ގޮތުގައި 10،200ރ. ވަނީ ކަނޑައަޅާފައެވެ. އޭގެ އިތުރުން އިތުރު އިނާޔަތްތަކެއް ލިބިގެންދާނެ ކަމަށް އިއުލާނުގައި ބަޔާން ކޮށްފައިވެއެވެ.
ސްޕެޝަލިސްޓުުންގެ މަޤާމަށް ޝަރުތު ހަމަވާ ފަރާތްތަކުން ފެބްރުއަރީ 14 ގެ ނިޔަލަށް އެ މަޤާމުތަކަށް ހުށައެޅުމުގެ ފުރުސަތު ހުޅުވާލާފައިވާއިރު، އޭގެތެރޭގައި ގައިނަކޮލޮޖިސްޓުންނާއި، ޕީޑިއަޓްރިޝަނުންނާއި، އީއެންޓީ ޑޮކްޓަރުންނާއި، ފިޒީޝިއަނުންގެ އިތުރުން ސާޖަރީ ޑޮކްޓަރުން ވެސް ހިމެނެއެވެ.
ގިނަ އަދަދެއްގެ ޚާއްސަ ޑޮކްޓަރުން އަތޮޅުތެރޭ ހޮސްޕިޓަލުތަކާއި ހެލްތު ސެންޓަރު ތަކުގައި މަސައްކަތް ކުރުމަކީ ރާއްޖޭގެ ސިއްހީ ދާއިރާއަށް އޭގެ ސަބަބުން ބޮޑެތި ފައިދާތަކެއް ކުރާނެ ކަމެއް ކަމަށް ގިނަ ބަޔަކު ދެކެއެވެ.
