ދުނިޔޭގެ ކެންސަރބަލީގެ ދުވަސް: ކަސްރަތުން ހިތްވަރުދިނުމަށް ހާއްސަ ހަރަކާތެއް ބާއްވަނީ

ދުނިޔެގެ ކެންސަރ ބަލީގެ ދުވަސް ފާހަގަކުރުމުގެ ގޮތުން ކެންސަރ ސޮސައިޓީ އޮފް މޯލްޑިވްސްގެ ފަރާތުން ހާއްސަ ހަރަކާތްތަކެއް ކުރިއަށް ގެންދިއުމަށް ނިންމާފިއެވެ.

މިއަހަރުގެ ދުނިޔޭގެ ކެންސަރ ބަލިގެ ދުވަސް "ކެންސަރާއި ދެކޮޅަށް ކުރާ ، މަސައްކަތުގައި ހެލިފެލިވެއުޅުމާއި، ކަސްރަތު. ކުޅިވަރުން ހިތްވަރުދިނުމަށް އަލިއަޅުވާލަމާ" މި ޝިއާރުގެ ދަށުން ކެންސަރ ސޮސައިޓީ އޮފް މޯލްޑިވްސްގެ ފަރާތުން ފެބްރުއަރީ 4 ވަނަ ދުވަހު ހަވީރު ހެންވޭރު ދަނޑުގައި ކުޅިވަރުގެ ގިނަ ހަރަކާތަތެއް ކުރިއަށް ގެންދިއުމަށް ވަނީ ހަމަޖެހިފައެވެ.

ކެންސަރު ސޮސައިޓީގެ ފަރާތުން ބުނީ ކުޅިވަރު އެސޯސިއޭޝަންތަކާއި މާލޭގެ ބައެއް ފިޓްނަސް ކުލަބްތަކުގެ ބައިވެރިވުމާއެކު މި ހަރަކާތް ކުރިއަށް ގެންދިއުމުގެ މައިނގަޑު މަގްސަދަކި ފުރިހަމަ ސިއްހަތެއްގައި ދެމިތިބުމަށް އާންމުން ކުޅިވަރަށް އަހުލުކުރުމާއި އަދި ކެންސަރާއިބެހޭ މައުލޫމާތު ހިއްސާކުރުމަށް ކަމަށެވެ. އަދި އެންމެން އެކުގައި، އަދި 'އަމިއްލައަށް' #WeCanlCanމިޝިއާރުގެ ދަށުން އެންމެންނަށް ކެންސަރު ބަލިން ރައްކާތެރިވުމަށް ހެލިފެލިވެ، ހަރަކާތްތެރިވެ، ކަސްރަތުކޮށްކުޅިވަރު ކުޅިވަރު ކުޅު އެޅުމަށް ވަނީ ކެންސަރު ސޮސައިޓީން ވަނީ ގޮވާލާފައެވެ.

މިއަދު އެޖަމްއިންޔާއިން ބާރުއަޅަނީ ކެންސަރު ބައްޔާމެދު އާއްމުންގެ ހޭލުންތެރިކަން އިތުކޮށް އެ ބައްޔާމެދު އާންމުން ދެކޭގޮތް ބަދަލުކުރުން ކަމަށް ބުންޏެއެވެ. އެހެންކަމުން ފެބްރުއަރީ 4 ވަނަ ދުވަހު ހެންވޭރު ދަނޑުގައި ބޭއްވާ ހަރަކާތުގައި ވީހާވެސް ގިނަ އާންމުން ބައިވެރިވުމަށް ވަނީ ގޮވާލާފައެވެ.

ކެންސަރ ސޮސައިޓީ އޮފް މޯލްޑިވްސް އަކީ 2 އޮކްޓޯބަރ 2012 ވަނަ އަހަރު އުފެދިފައިވާ ޖަމިއްޔާއެކެވެ. ސީއެސްއެމްގެ މައިގަނޑު މަގްސަދަކީ ކެންސަރ ބައްޔާއިބެހޭ ގޮތުން މީހުން ހޭލުންތެރިކުރުމެވެ. އެގޮތުން ކެންސަރު ޖެހުމަށް މެދުވެރިވާ ސަބަބުތަކާއި، މިބަލިން ރައްކާތެރިވުމަށް ބޭނުންވާނެ މައުލޫމާތު އާންމުނަށް ދީ ހޭލުންތެރިކޮށް އަދި ތަފާތު ހިސާބުތަކުގައި ކެންސަރު ބަލި ތަޙައްމަތް ކުރަމުންދާ މީހުންނަން އެހީތެރިކަން ފޯރުކޮށްދެއެވެ.