ތުރުކީގެ އަސްކަރިއްޔާ ވަރުގަދަކުރުމަށް އިގިރޭސިވިލާތުން އެހީތެރިވަނީ
29 ޖެނުއަރީ 2017 | އާދީއްތަ 09:13އަސްކަރިއްޔާ ތަރައްގީކުރުމަށް އިގިރޭސިވިލާތުން 100 މިލިއަން ޕައުންޑް ފޯރުކޮށްދޭނެ
އިގިރޭސި ބޮޑުވަޒީރާޢި ތުރުކީގެ ބޮޑުވަޒީރު
ތުރުކީގެ ދިފާއި ސެކްޓަރ ހަރުދަނާ ކުރުމަށް 100 މިލިއަން ޕައުންޑްގެ އެހީއެއް ދިނުމަށް ނިންމާފައިވާ ކަމަށް އިގިރޭސިވިލާތުގެ ބޮޑުވަޒީރު ތެރޭސާ މޭ އިއުލާންކުރައްވައިފި އެވެ.
މިހާރު ތުރުކީ އަށް ކުރައްވަމުން ގެންދަވާ ދަތުރުފުޅުގައި މޭ ވަނީ ތުރުކީގެ ރައީސް އާއި ބޮޑުވަޒީރާއި ބައްދަލުކުރައްވާފަ އެވެ.
މޭ ވިދާޅުވީ މި އެއްބަސްވުމުގެ ސަބަބުން، އިގިރޭސިވިލާތަކީ އަދިވެސް އިގްތިސާދީ ވަރުގަދަ ބާރެއްކަން ހާމަވެގެންދާ ކަމަށެވެ. އަދި، ތުރުކީ އާއެކު އޮތް ވިޔަފާރީ ގުޅުން އިތުރަށް ބަދަހިކޮށް، ދެގައުމުގެ ވިޔަފާރީގެ އަގު 20 ބިލިއަން ޑޮލަރު ނުވަތަ 16 ބިލިއަން ޕައުންޑަށް އިތުރުކުރާނޭ ކަމަށްވެސް އޭނާ ވިދާޅުވި އެވެ.
ތުރުކީގެ ރައީސް ރަޖަބް ތޮއްޔިބް އުރްދުގާން އާއެކު ބޭއްވި ބައްދަލުކުރެއްވުމަށްފަހު ވާހަކަފުޅު ދައްކަވަމުން، މޭ ވިދާޅުވީ ތުރުކީ އިން ސޮއިކޮށްފައިވާ އިންސާނީ ހައްގުތަކާއި ބެހޭ މުއާހަދާތަކަށް އަމަލުކުރަންޖެހޭ ކަމަށެވެ. އަދި، ގާނޫނުގެ ހުކުމްތައް ދެމެހެއްޓުމަށްވެސް މޭ ވަނީ ގޮވާލާފަ އެވެ.
