ނައިޖަރގެ ހަނގުރާމަވެރިންތަކެއް އަސްކަރިއްޔާގެ 15 ސިފައިން މަރާލައިފި

ހުޅަނގު އެފްރިކާގެ ގައުމެއް ކަމަށް ނައިޖަރގެ ހަނގުރާމަވެރިންތަކެއް އެގައުމުގެ އަސްކަރިއްޔާގެ 15 ސިފައިން މަރާލައިފިއެވެ.

ހަނގުރާމަވެރިން ބުރާސްފަތި ދުވަހު ނައިޖަރގެ 15 ހަނގުރާމަވެރިން މަރާލުމުގެ އިތުރަށް 19 ސިފައިން ޒަޚަމް ވެސް ކޮށްލާފައި ވެއެވެ. ހަނގުރާމަވެރިން ހަމަލާ ދިނީ އަސްކަރިއްޔާ އިން ޕެޓްރޯލް ކުރަމުން ދަނިކޮށެވެ.

ނައިޖަރގެ ޑިފެންސް މިނިސްޓްރީން ނެރުނު ބަޔާނެއްގައި ބުނީ އެގައުމުގެ ސިފައިންނަށް ހަނގުރާމަވެރިން ހަމަލާ ދިނީ ނައިޖަރ އާއި މާލީ ބޯޑަރު ގުޅޭ ސަރަހައްދުގައި ކަމަށެވެ. ޑިފެންސް މިނިސްޓްރީގެ ބަޔާނުގައި އިތުރަށް ބުނީ މާލީ އާއި ނައިޖަރ ގުޅޭ ބޯޑަރު ސަރަހައްދަކީ ހަނގުރާމަވެރިން އަތްގަދަ ކުރަން އުޅޭ ސަރަހައްދެއް ކަމަށެެވެ. އެހެން ކަމުން ހަނގުރާމަވެރިންގެ ބާރު ކަނޑުވަން މަސައްކަތް ކުރަމުންދާ ކަމަށެވެ.

ހަނގުރާމަވެރިން ނައިޖަރގެ ސިފައިންނަށް ހަމަލާ ދިންއިރު މިމަހުގެ ކުރީކޮޅު ނައިޖަރ ވެސް ހިމެނޭ ގޮތުން އެފްރިކާގެ ފަސް ގައުމެއްގެ ވެރިން ވަނީ ކައުންޓާޓެރަރިޒަމް ފޯސްއެއް އެކުލަވާލުމަށް އެއްބަސްވެފައެވެ.