ލެސްޓާ ދޫކޮށްލުމަށްފަހު ހެނާންޑޭޒް މަލާގާއާ ގުޅިއްޖެ

ލެސްޓާ ސިޓީ ދޫކޮށްލުމަށްފަހު ސްޕެއިންގެ ޑިފެންޑަރު ލުއިސް ހެނާންޑޭޒް މާލާގާއާ ގުޅިއްޖެ އެވެ.

ފްރީ ޓްރާންސްފާއެއްގެ ދަށުން މިދިޔަ ޖޫން މަހު ލެސްޓާ ސިޓީއާ ގުޅުނު ހެނާންޑޭޒް މަލާގާ އަށް ސޮއިކުރަން ނިންމީ އަންގާރަ ދުވަހު އެވެ.

ރެއާލް މެޑްރިޑްގެ ބީ އަދި ސީ ޓީމަށްވެސް ކުޅެފައިވާ ހެނާންޑޭޒް މަލާގާ އަށް ބަދަލުވިކަން އެ ކްލަބުންވެސް އަދި ލެސްޓާ ސިޓީންވެސް ވަނީ ކަށަވަރުކޮށްދީފައެވެ.

ރިޕޯޓްތައް ބުނާ ގޮތުން ހެނާންޑޭޒް ލެސްޓާ ދޫކޮށްލާފައިވަނީ ފުރަތަމަ އެގާރައިން ފުރުސަތު ލިބުން މަދުވެ، ޕްރިމިއާ ލީގުގައި އެޓީމު ހޯދަމުން އަންނަ ނަތީޖާތައް ދަށްވަމުން އަންނާތީ އެވެ.

ޕްރިމިއާ ލީގުގެ ޕޮއިންޓް ތާވަލަށް ބަލާއިރު، މިދިޔަ ސީޒަންގެ ޕްރިމިއާ ލީގުގެ ޗެމްޕިއަން ލެސްޓާ އޮތީ ކުޅުނު 22 މެޗުން ލިބުނު 21 ޕޮއިންޓާއެކު ޕޮއިންޓް ތާވަލުގެ 15 ވަނައިގަ އެވެ.