ބުދަ 24 ޖުލައި 2019
10 ފުސް
1440 ޒުލްގައިދާ 21
ފަތިސް 04:45
އިރުއަރާ 06:01
މެންދުރު 12:16
އަސްރު 15:37
މަޣްރިބް 18:24
އިޝާ 19:40
ކުޅިވަރު - ވިކްޓްރީ ސްޕޯޓްސް ކްލަބު

ކުރިއަށް އޮތް ސީޒަނަށް ނިޔާ ވެސް ވިކްޓްރީއާ ގުޅިއްޖެ

  • ނިޔާ މީގެ ކުރިން ވެސް ވަނީ ވިކްޓްރީއަށް ކުޅެފައި

ނާފިއު ރަޝީދު
NaphiuR

ކ. މާލެ 10 ޖެނުއަރީ 2017 | އަންގާރަ 17:46 1,764

ވިކްޓްރީގެ ޗެއާމަން އިބްރާހިމް ނަޒީމް (ކ) އަދި އަހުމަދު ނިޔާޒް (ވ) - ޓްވިޓަރ

ފާއިތުވި ސީޒަންގައި ނިއު ރޭޑިއަންޓް ސްޕޯޓްސް ކްލަބަށް ކުޅުނު އަހްމަދު ނިޔާޒު (ނިޔާ) މި ސީޒަންގައި ވިކްޓްރީ އަށް ކުޅެން ސޮއި ކޮށްފި އެވެ.

 

ސީޒަންގެ މެދުތެރެއިން 2015 ވަނަ އަހަރު ވެސް ވިކްޓަރީއަށް ކުޅުނު ނިޔާ އަލުން ވިކްޓްރީ އަށް އައީ އެއް އަހަރު ދުވަހުގެ އެއްބަސްވުމެއްގެ ދަށުންނެވެ. އެގޮތުން ނިޔާ ވެގެން ގޮސްފައި ވަނީ ޓްރާންސްފާ ޕީރިއަޑްގައި އެހެން ޓީމަކުން ވިކްޓްރީއަށް ސޮއި ކުރި ފުރަތަމަ ކުޅުންތެރިޔާ އަށެވެ.

 

މީގެ އިތުރުން މިދިޔަ ސީޒަންގައި ވެސް އެޓީމަށް ކުޅުނު ހުސައިން ޝިހްބާން (ބައްޓޭ) އާއި ޔާސީން ފިރާގް ވަނީ އެޓީމުގެ ކޮންޓްރެކްޓް އާ ކޮށްފަ އެވެ.

 

ވިކްޓަރީގެ ޗެއާޕާސަން އިބްރާހިމް ނަޒީމް ވިދާޅުވެފައި ވަނީ މިއަހަރު ވިކްޓްރީން ނުކުންނާނީ މިދިޔަ ފަސް އަހަރު ދުވަހު ފެނުނު ވަރަށް ވުރެ ވަރުގަދަ ސްކޮޑެއްގައި ކަމަށެވެ.

 

ނަޒީމް ވިދާޅުވީ ޓީމު ވަރުގަދަ ކުރުމުގެ ގޮތުން މިހާރުވެސް ބައެއް ކުޅުންތެރިންނާ ވާހަކަ ދައްކަމުން އަންނަ ކަމަށާއި އެހެން ކަމުން ކުޅުންތެރިންގެ ކޮންފޮމޭޝަން ލިބުނުހާ އަވަހަކަށް އެކުޅުންތެރިންނާއެކު އެއްބަސްވުމަކަށް އަންނާނެ ކަމަށެވެ.

 

ނިއުއިން 2013 ވަނަ އަހަރު ސީޒަންގެ ހުރިހާ މެޗަކުން މޮޅުވެ ހުރިހާ މުބާރާތެއް ކާމިޔާބު ކުރިއިރު، ނިޔާ ވަނީ އެޓީމުގެ މެދުތެރޭގައި މޮޅު ކުޅުމެއް ދައްކާފަ އެވެ. އެ އަހަރު އޭނާ ދެއްކި މޮޅު ކުޅުމާއެކު ގައުމީ ޓީމުން ވެސް ވަނީ ޖާގަ ލިބިގެން ގޮސްފަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް