ކަންގަނާގެ ކޭންސް ހެދުންތައް ޑިޒައިން ކުރާނީ ސަބްޔާ

މިފަހަރު ފުރަތަމަ ފަހަރަށް ކޭންސް ފިލްމް ފެސްޓިވަލްގައި ބައިވެރިވާ ކަންގަނާ ރަނާވަތު ހެދުންތައް ޑިޒައިން ކުރާނީ ސަބްޔާއެވެ.

ކަންގަނާ މިހާރު ދަނީ ކޭންސް ފިލްމް ފެސްޓިވަލްއަށް ތައްޔާރުވަމުންނެވެ. އެގޮތުން މެއި ނުވަ ވަނަ ދުވަހު ފްރެންޗް ރިވިއެރާ އަށް ކަންގަނާ ދާނެއެވެ. އަދި މެއި 11 ވަނަ ދުވަހަށް ރެޑް ކާޕެޓުން އޭނާ ފެނިގެންދާނެއެވެ.

މިހާރު ގިނަބައެއްގެ ހިތުގައި ވަނީ ކަންގަނާ ހެދުންއަޅާނެ ގޮތަކާމެދު ސުވާލު އުފެދިފައެވެ. ކަންގަނާ ބުނީ އޭނާ ހެދުންތައް ޑިޒައިން ކުރަން އެންމެ މޮޅުވާނީ ސަބްޔާކަމަށެވެ. ކަންގަނާ ބުނީ އޭނާ ބޭނުންވަނީ އެންމެ ފުރިހަމަކަން ދައްކަން ކަމަށާއި ނަމަވެސް މުޅި ފެސްޓިވަލްގައި އެންމެ ފުރިހަމަ ވާން ނޫންކަމަށެވެ.

މީގެ ކުރިން ސަބްޔާ ވަނީ ވިދްޔާ ބާލަންއަށްވެސް ކޭންސްއަށް ހެދުމެއް ޑިޒައިން ކޮށްދީފައެވެ. އެފަހަރު ވަނީ ސަބްޔާއަށް ތަފާތު ފާޑުކިޔުންތައް އަމާޒުވެފައެވެ. މިހާރު އުފެދޭ ސުވާލަކީ މިފަހަރު އޭނާ ޑިޒައިން ކުރާ ހެދުންތަކަށް ލިބޭނީ ކިހާ ތަރުހީބެއްކަމެވެ.