"ބިއުޓީއެންޑް" ދަ ބީސްޓް މެލޭޝިއާގައި ރިލީސް ކުރާނީ ސެންސަރުނުކޮށް

އެއްޖިންސުން ގުޅުން ހިންގާ މަންޒަރެއް ހިމެނޭތީ އެ މަންޒަރު ކަނޑާލުމަށް ކުރަމުންދިޔަ ޑިމާންޑްތަކަށް ޑިސްނީން ދެކޮޅުހެދުމުން އެއްވެސް މަންޒަރެއް އުނިނުކޮށް މެލޭޝިއާގައި "ބިއުޓީ އެންޑް ދަ ބީސްޓް" އެޅުވުމަށް މިހާރު ނިންމާފައިވާ ކަަމަށް ޑިސްނީން ބުނެފިއެވެ.

ޑިސްނީން ބުނީ މި ބްލޮކްބަސްޓަރ މެލޭޝިއާގައި މާޗް މަހުގެ 30 ވަނަ ދުވަހު ރިލީސް ކުރަނީ 13 އަހަރުން މައްޗަށް ރޭޓް ކުރެވިގެން ކަމަށެވެ.

މިހާރު ކަނޑައަޅާފައިވާ ތާރީޚްގައި ފިލްމް އަޅުވާކަން ދެ ސިނަމާއަކުން ވަނީ ކަށަވަރުކޮށްދީފައެވެ.

ކުރިން މި ފިލްމު އެޅުވުމަށް ހަމަޖެހިފައި އޮތީ މާޗް މަހުގެ 16 ވަނަ ދުވަހުއެވެ.

މި ފިލްމުގައި ދެ ފިރެހެނެއް އެކުގައި ޖިންސީ އަމަލެއްގައި ފެންނައިރު މިއީ ޑިސްނީގެ ފިލްމެއްގައި މިފަދަ މަންޒަރެއް ހިމެނުނު ފުރަތަމަ ފަހަރެވެ.

އިލްމާނިއްޔަ އަދި ދީނީ ގާނޫނުތަކުގެ ދަށުން ވެސް އެއްޖިންސުން ގުޅުންހިންގުމަކީ މެލޭޝިއާގައި މަނާ ކަަމެކެވެ.

އެކަމަކީ ޖަލުހުކުމް ނުވަތަ ހައްދު ޖެހުން ފަދަ ޖިސްމާނީ އަދަބު ކަނޑައެޅިފައިވާ ކުށެކެވެ.

އެގައުމުގެ އަވަށްޓެރި ސިންގަޕޫރުގައި ކްރިސްޓިއަން ފައްޅިން ވަނީ ފިލްމާ މެދު ބެެލެނިވެރިން ސަމާލު ވުމަށް އެދިފައެވެ. ރަޝިއާގައި މި ފިލްމް އަޅުވާފައި ވަނީ 16 އަހަރުން މައްޗަށް ރޭޓް ކުރެވިގެންނެވެ.

މީގެ އިތުރުން ކުވެއިތުގެ ސިނަމާތަކުން ދާދިފަހުން މި ފިލްމް ވަނީ ނަގާފައެވެ.