ކޭންސް ފިލްމު ފެސްޓިވަލް މެއި 8 އިން މެއި 19 އަށް
މިފަހަރު ކޭންސް ފިލްމު ފެސްޓިވަލް ބާއްވަނީ ފްރާންސްގައި
ކޭންސް ފިލްމު ފެސްޓިވަލް 2017 ގެ ތެރެއިން ބޮލީވުޑްގެ ތަރި އައިޝްވަރިޔާ ރާއި
މިފަހަރުގެ ކޭންސް ފިލްމު ފެސްޓިވަލް މެއި މަހުގެ 8 އިން 19 ވަނަ ދުވަހާ ހަމައަށް ބާއްވާނެއެވެ.
ކޭންސް ފިލްމު ފެސްޓިވަލަކީ ކުރިއަށް އޮތް އަހަރުގެ ތެރޭގައި ފެށުމަށް ހަމަޖައްސާ ފިލްމާއި ޑޮކިއުމެންޓްރީތައް އިއުލާންކުރުމަށް ބާއްވާ ފެސްޓިވަލެކެވެ. އަދި މި ފެސްޓިވަލްގައި އެކްޓަރުންގެ ހެދުންތައް ވެސް ދައްކާލައެވެ.
މިފަހަރުގެ ކޭންސް ފެސްޓިވަލްގައި ރެޑްކާޕެޓް މަތީގައި ސެލްފީ ނެގުން ވަނީ މަނާކޮށްފައެވެ. ކޭންސް ފިލްމު ފެސްޓިވަލްގެ ޑިރެކްޓަރު ތިއެރީ ފްރެމޯކްސް ބުނެފައި ވަނީ ރެޑްކާޕެޓްގައި ސެލްފީ ނެގުން މަނާ ކުރީ ވަގުތު ސަލާމަތްކުރުމަށް ކަމަށާއި އެހެން ހެދުމުން ވަގުތުތައް ސަލާމަތް ވާނެ ކަމަށެވެ. އަދި ސެލްފީ ނަގާއިރު ސެލްފީ ނަގަން މަޑުކޮށްގެން ތިބުމުން ފަހަތުން އަންނަ މީހުންނަށް ކުރިއަށްދާން އުނދަގޫވާ ކަމަށާއި އެހެން ކަމުން އެކަމަށް ހައްލެއް ލިބިގެންދާނެ ކަމަށް އޭނާ ބުންޏެވެ.
ކޭންސް ފެސްޓިވަލްގެ ނަމުގައި 1949 ވަނަ އަހަރު ފެށި ފިލްމު ފެސްޓިވަލް މުޅިދުނީޔޭގެ ފިލްމުތަކަށް ހުޅުވާލީ 2002 ވަނަ އަހަރުގައެވެ. އެ އަށް ފަހު ކޭންސް ފެސްޓިވަލްގެ ނަން ވަނީ ކޭންސް ފިލްމު ފެސްޓިވަލަށް ބަދަލުކޮށްފައެވެ. އޭގެ ފަހުން ކޮންމެ އަހަރަކު ވެސް ކުރިއަށް އޮތް އަހަރުގައި ހަދާނެ ފިލްމުތައް އިއުލާންކުރުމަށް ފްރާންސްގެ ކޭންސްގައި ކުލަގަދަ ހަފްލާތައް ބާއްވައެވެ.
