"މުންނާ މައިކަލް" ރިލީޒްކުރާނީ 21 ޖުލައިގައި

ޓައިގާ ޝްރޮފްގެ ފިލްމު "މުންނާ މައިކަލް" ރިލީޒް ވާނީ 21 ޖުލައިގައެވެ.

މިހާރު "މުންނާ މައިކަލް" ޕްރޮމޯޓް ކުރުމުގެ މަސައްކަތް ޓައިގާ ފަށާފައިވާއިރު އެފިލްމް ވައިގައި ނުހިފާނެތީ ހުރީ ބިރުންކަމަށް އޭނާ ބުޏްޏެވެ.

35 ކްރޯޑް ރުޕީސްގެ ބަޖެޓަކުން ހަދާފައިވާ "މުންނާ މައިކަލް" އަކީ މޮޅު ލަވަކިޔުންތެރިޔާ މައިކަލް ޖެކްސަންއަށް ވުމަށް އޭނާ ކުޅޭ ފިލްމެކެވެ. މި ފިލްމުގައި ޖުމްލަ 10 ލަވަ ހިމެނިގެން ދެއެވެ.

މި ފިލްމުގެ ފުރަތަމަ ޓްރެއިލާ ޖޫން 5 ގައި ވަނީ ރިލީޒްކޮށްފައެވެ. މި ފިލްމުގައި ޓައިގާ ކުޅެނީ "މުންނާ" ކިޔާ މަގުމަތީގައި ނަށާ ޒުވާނެއްގެ ރޯލެވެ.

ޓައިގާ ބުނީ "މުންނާ މައިކަލް" އަކީ އޭނާ ވަރަށް ބުރަކޮށް މަސައްކަތް ކޮށްފައިވާ ފިލްމެއް ކަމަށާއި އެހެންކަމުން ބޭނުން ވަނީ އެންމެނަށް ކަމުދާނެ ފިލްމަކަށް ވުމަށް ކަމަށެވެ.

ޓައިގާގެ އިތުރުން "މުންނާ މައިކަލް"އިން ފެނިގެންދާނީ ނިދީ އަގަރްވާލް އެވެ. ސަނާ ސައީދާއި ރޮނިތު ރޯއީ ވެސް މި ފިލްމުގައި މުހިއްމު ކެރެކްޓާތަކެއް ކުޅެފައި ވެއެވެ.

ސާބިރު ޚާން ޑައިރެކްޓްކޮށްފައިވާ "މުންނާ މައިކަލް" ގެ ޕްރޮޑިއުސަރަކީ ވިކީ ރަޖާނީ އެވެ. މި ފިލްމުގެ ބައެއް ލަވަތައް މިހާރު ވަނީ އާންމުންނާ ހަމައަށް އައިސްފައެވެ.

ފިލްމުގެ ލަވަތައް ކޮމްޕޯސް ކޮށްފައިވަނީ މީޓް ބްރޯސް، ޓަނިޝްކް ބަގްޗީ، ޕްރަނާއީ، ވިޝާލް މިޝްރާ، ޖާވިދް މުހުސިން އަދި ގޯރޮވް ރޯޝިންއެވެ. ލަވައިގެ ލިރިކްސް ހަދާފައިވަނީ ކުމާރު، ދާނިޝް ސަބްރީ ސައްބިރް ޚާންއެވެ. މި ފިލްމުގެ މިއުޒިކް އަލްބަމް ރިލީޒް ކޮށްފައިވަނީ ދުނިޔޭގެ މިއުޒިކް ދުވަސްކަމަށްވާ 21 ޖޫން 2017 ގައެވެ.