އޮކްޓޯބަރ:ޕްރިމިއާ ކުރާނީ ދުބާއީގައި

މިމަހު އަޅުވާ ވަރުން ދަވަންގެ އޮކްޓޯބަރ ޕްރިމިއާ ކުރާނީ ދުބާއީގައި ކަމަށް އިންޑިއާގެ ޑެއިލީ ނޫހުން ބުނެފިއެވެ.

އެނޫހުން ބުނެފައިވާ ގޮތުގައި ދުބާއީގައި ފިލްމު ޕްރިމިއާ ކުރާނީ މިމަހުގެ 11 ވާ ބުދަ ދުވަހުގައެވެ.

އެހެން ކަމުން އޮކްޓޯބަރ އިންޑިއާގައި ޕްރިމިއާ ކުރާނީ ދުބާއީގައި ދައްކަން ފަށާތާ ދެ ދުވަސް ފަހުންނެވެ. ދުބާއީގައި ބާއްވާ ޕްރިމިއާގައި ފިލްމުގެ ލީޑު ރޯލުން ފެނިގެންދާ ވަރުން ދަވަން އާއި ބަނިތާ ސަންދޫ ބައިވެރިވާނެކަމަށް ވެސް ޑެއިލީ ނޫހުގައި ވަނީ ފާހަގަކޮށްފައެވެ. އޮކްޓޯބަރގައި ވަރުން ކުޅެފައިވަނީ ހޮޓެލް މެނޭޖްމެންޓް ކިޔަވާ ކުއްޖެއްގެ ރޯލެވެ. "ހޮސްޕިޓަލިޓީ ފީލްޑް" އަށް އޭނާ ޓްރެއިނިން ހަދާ އޭނާ މީހަކަށް ވުމަށް ކުރާ މަސައްކަތް އޮކްޓޯބަރ އިން ފެނިގެންދެއެވެ. މި ފިލްމު ޑައިރެކްޓް ކޮށްފައިވަނީ ސުޖިތު ސިރްކާސްއެވެ.

މި ފިލްމުގައި ވަރުންއާއެކު ފެނިގެންދާނީ ބިނީތާ ސަންދޫ އެވެ. ބިނީތާ ސަންދޫއަކީ ބޮލީވުޑަށް އަލަށް ތައާރަފް ވާ ތަރިއެކެވެ.