އަރަބިންގެ ނޯ ވުމަން ނޯ ކްރައިއަށް ބޮޑު ތަރުޙީބެއް

ބަޚްރެއިނުގެ ލަވަކިޔުންތެރިޔާ މުޙައްމަދު އަލް ބަކްރީ އާއި އޭނާގެ ކޮޔަރ ގްރޫޕުން ކިޔާފައިވާ ބޮބް މާލީގެ މަޝްޙޫރު ލަވަ، ނޯ ވުމަން ނޯ ކްރައިގެ ކަވަރއަކަށް ދުނިޔޭގެ ސަމާލުކަން ލިބިގެން ހިނގައްޖެއެވެ.

އަރަބި ގަލްފުގައި ބޭނުންކުރާ، އޫދު ގިޓާރ އާއި ތާރަ ފަދަ އިންސްޓްރޫމެންޓްތައް ބޭނުންކޮށްގެން ގަލްފުގެ ސްޓައިލަށް ކިޔާފައިވާ މި ކަވަރއަށް ޔޫޓިއުބުގައި ބޮޑު ތަރުޚީބެއް ލިބިގެން ގޮސްފައިވާއިރު، ދުނިޔޭގެ ބޮޑެތި މީޑިއާތަކުން ވެސް ވަނީ މި ލަވައިގެ ޚަބަރު ކަވަރު ކޮށްފައެވެ. މުޙައްމަދު އަލް ބަކްރީގެ ކޮޔަރ ގްރޫޕުގައި ހިމެނޭ ބައެއް ފަރާތްތައް މި ލަވައަށް ނަށާ މަންޒަރު ވެސް ލަވައިން ފެނިގެންދާއިރު، ހަމައެކަނި ޔޫޓިއުބުގައިވެސް މި ލަވައަށް 180،000 އާއި ގާތްކުރާ އަދަދަކަށް ވަނީ ވިއުޒް ލިބިފައެވެ.

އޮންލައިން އެކި ޕްލެޓްފޯމްތަކުގައި މި ލަވައަށް ތަޢުރީފު ކޮށްފައިވާ ފަރާތްތަކުން ވަނީ މުޙައްމަދު އަލް ބަކްރީގެ އަޑާއި، އަދި ޚާއްސަކޮށް ބަސްތައް ކިޔުމުގައި އޭނާގެ ފަރިތަކަމަށް ތަޢުރީފުކޮށްފައެވެ.

މުޙައްމަދު އަލް ބަކްރީ ކިޔާފައިވާ ނޯ ވުމަން ނޯ ކްރައިގެ ކަވަރއަށް ބޮޑު ތަރުޙީބެއް ލިބެމުންދާއިރު، މިއީ ގަލްފުގެ މަޝްޙޫރު ފަންނާނަކު މި ލަވަކީ ފުރަތަމަ ފަހަރެއް ނޫނެވެ. 2013 ވަނަ އަހަރު އޭރު ގަލްފުގައި މަޝްހޫރުވެގެން ދިޔަ ލަވައެއްގެ އިންޓްރޯގެ ގޮތުގައި މޮރޮކޯގެ ލަވަކިޔުންތެރިޔާ ޖަމީލާ އަލް ބަދުއީ ވެސް ވަނީ ބޮބް މާލީގެ ނޯ ވުމަން ނޯ ކްރައިގެ ބައެއް ކިޔާފައެވެ.