އަކްޝޭގެ "ޖޯލީ އެލްއެލްބީ 2 " އަށް ބެލުންތެރިން ބޮޑު ތަރުހީބެއް

މި މަހުގެ 10 ވަނަ ދުވަހު ރިލީޒްކުރި އަކްޝާ ކުމާރުގެ "ޖޯލީ އެލްއެލްބީ 2" އަށް ބޮކްސް އޮފީހުގައި ލިބެމުންދާ ބޮޑު ކާމިޔާބީގެ އިތުރުން ބެލުންތެރިންގެ ބޮޑު ތަރުހީބެއް ވެސް ލިބިއްޖެއެވެ.

ފިމްލް ދިރާސާކުރާ ފަރާތްތަކުން ގަބޫލުކުރާ ގޮތުގައި އަރުޝަދު ވަރްސީ ލީޑްރޯލް ކުޅެފައިވާ "ޖޯލީ އެލްއެލް ބީ" އަށް ވުރެ ބޮޑު ކާމިޔާބީއެއް އަކްޝޭގެ ފިލްމަށް ލިބިގެންދާނެއެވެ.

އެގޮތުން "ޖޯލީ އެލްއެލްބީ" އަށް 32 ކްރޯޑް ރުޕީޒް ލިބުނުއިރު އަކްޝޭގެ "ޖޯލީ އެލްއެލްބީ "2 އަށް ދެ ދުދުވަސް ތެރޭ 30.52 ކްރޯޑް ރުޕީޒް ވަނީ ލިބިފައެވެ. އަދި ފިމްލް ސިނަމާތަކުގައި އެޅުވި ދެވަނަ ދުވަހު 31.20 ޕަސެންޓްގެ ކުރިއެރުމެއް ލިބިފައިވާ ކަމަށް ފިލްމް ދިރާސާކުރާ ފަރާތްތަކުން ބުނެފައި ވެއެވެ.

ހިންދީ ފިލްމް ދިރާސާކުރާ ފަރާތެއް ކަމަށްވާ ޖޮގިންދަރު ބުނެފައި ވަނީ ކުރިއަށް ދުވަސްތަކުގައި ފިލްމަށް އިތުރު ކުރިއެރުން ލިބިގެންދާނެ ކަމަށާއި އެގޮތުން ފިލްމަށް 100 ކްރޯޑް ރުޕީޒް ލިބިއްޖެ ނަމަ އަކްޝޭ އަށް އެންމެ ބޮޑު ކާމިޔާބީއެއް ލިބުނު ހަތަރު ވަނަ ފިލްމަށް "ޖޯލީ އެލްއެލްބީ 2" ވެގެންދާނެ ކަމަށެވެ.

ބޮކްސް އޮފީހުގައި "ޖޯކީ އެލްއެލްބީ 2" އަށް ބޮޑު ކާމިޔާބީއެއް ލިބެމުންދާއިރު މިއަރު ރިލީޒް ކުރި ރިތިކް ރޯޝަންގެ "ކާބިލް" އަށް ދެ ދުވަސް ތެރޭ ލިބުނު އާންމުދަނީ އަށް ވުރެ ބޮޑު އާންމުދަނީއެއް "ޖޯލީ އެލްއެލްބީ "2 އަށް ލިބިފައި ވެއެވެ.

"ޖޯލީ އެލްއެލްބީ 2" އަށް ބެލުންތެރިންގެ ބޮޑު ތަރުހީބެއް ލިބުނުއިރު ވޭތުވެދިޔަ 10 އަހަރު ތެރޭ ރިލީޒް ކުރި އަކްޝޭ ކުމާރުގެ ހުރިހައި ފިލްމެއް ވެސް ވަނީ ބޮކްސް އޮފީހިގައި ގިނަ ރެކޯޑްތަކެއް ގާއިމް ކޮށްފައެވެ. އެގޮތުން "އެއާލިފްޓް"، "ރުސަތުމް" އަދި "ހައުސްފުލް "3 ފާހަގަ ކޮށްލެވެއެވެ.