ކާބުލްގެ ޝިއީންގެ މިސްކިތުގައި ހުކުރު ދުވަހު ދިން ޖާނުން ފިދާވުމުގެ ހަމަލާގެ ޒިންމާ އައިއެސް އިން ނަގައިފި

އަފްގާނިސްތާނުގެ ވެރިރަށް ކާބުލްގެ ޝީީއީންގެ މިސްކިތެއްގައި ހުކުރު ދުވަހު ދިން ޖާނުން ފިދާވުމުގެ ބޮމުގެ ހަމަލާގެ ޒިންމާ، ހަނގުރާމަވެރި ޖަމާއަތް ކަމަށްވާ އިސްލާމިކް ސްޓޭޓް (އައިއެސް) އިން ނަގައިިފިއެވެ.

ހޮނިހިރު ދުވަހު އޮފިޝަލުން ބުނެފައި ވަނީ ހަމަލާގައި 39 މީހަކު މަރުވެ 41 މީހަކު މަރުވެފައިވާ ކަމަށެވެ.

ހުކުރު ދުވަހުު އައިއެސް އިން ނެރުނު ބަޔާނެއްގައި ބުނީ އެ ޖަމާއަތުގެ ހަނގުރާމަވެރިއެއް ކަމަށްވާ އަބޫ އައްމާރު އަލް ތުރްކަމަނީ އޭނާގެ "ގޮވާ ބެލްޓު މުރުތައްދުވެފައި ތިބި މީހުންގެ ތެރޭގައި ގޮއްވާލާފައިވާ ކަމަށެވެ."

ހުކުރު ނަމާދު ގަނޑީގައި ބޮން ގޮއްވާލާފައި ވަނީ ހުޅަނގު ކާބުލްގެ މިސްކިތެއް ކަމުގައިވާ އިމާމް ޒަމާމް މިސްކިތުގައެެވެ.

ޝީއީން ބައިމަދު އަފްގާނިސްތާނުގައި ޝީއީންނަށް ދޭތެރެދޭތެރެއިން ހަމަލާ އަމާޒުވެއެެވެ.

އަފްގާނިސްތާނުގެ ޝީއީންގެ މިސްކިތެއްގައި ހުކުރު ދުވަހު ޖާނުންފިދާވުމުގެ ހަމަލާއެއް ދިންއިރު، އެގައުމުގެ ޣުރް ޕްރޮވިންސުގެ ސުންނީ މިސްކިތެއްގައި ވެސް ހުކުރު ދުވަހު ވަނީ ޖާނުން ފިދާވުމުގެ ހަަމަލާއެއް ދީފައެވެ. މި ހަމަލާގައި ވަނީ 33 މީހުން މަރުވެފައިވެއެވެ. މިހަމަލާގެ ޒިންމާ އެއްވެސް ފަރާތަކުން ނަގާފައެއް ނުވެއެވެ.