ލީބިޔާގެ އެއާބޭސް އަށް ބުރާސްފަތި ދުވަހު ދިން ހަމަލާގައި މަރުވި މީހުންެގެ އަދަދު 140 އަށް އަރައިފި

ލީބިޔާގެ ވައިގެ ބޭސްއަކަށް ދިން ހަމަލާގައި 140 މީހުން މަރުވެފައިވާ ކަމަށް ރިޕޯޓުތައް ބުނެފިއެވެ.

މަރުވި މީހުންގެ އާންމުން ވެސް ހިމެނެއެވެ. ހަމަލާ ދިނީ ބުރާސްފަތި ދުވަހު، ބަރަކް އަލް-ޝަތީ ވައިގެ ބޭސް އަށެވެ. ސަރުކާރާ ގުޅުން އޮންނަ ހަތިޔާރުއެޅި ޖަމާއަތުން މި ވައިގެ ބޭސްއަށް ދިން ހަމަލާގައި ފުރަތަމަ ބެލެވިފައި ވަނީ މަރުވެފައި ވަނީ 60 މީހުން ކަމަށެވެ.

އދ. އިން ވާގިވެރިވާ ސީރިޔާގެ ސަރުކާރުގެ ޑިފެންސް މިނިސްޓަރާއި އަދި ހަތިޔާރުއެޅި ޖަމާއަތުގެ ކޮމާންޑަރު މިހާރު ވަނީ، ތަހުގީގު ކުރިއަށް ދާތީ ސަސްޕެންޑް ކުރެވިފައެވެ.

ލީބިޔާގެ ބޮޑު ވަޒީރުގެ އޮފީހުން ބުނެފައި ވަނީ އެއްވެސް ފަރާތެއްގެ ގާތުގައި ހަމަލާ ދޭން ނުބުނާ ކަމަށެވެ.

ހަމަަލާ ދިން ހަތިޔާރު އެޅި ގްރޫޕްގެ ތަރުޖަމާނު ވިދާޅުވީ "ވައިގެ ބޭސް ހިސޯރުކޮށްގެން ތިބި މީހުންގެ ކިބައިން އެތަން މިނިވަންކޮށްފި ކަމަށެވެ."

ރިޕޯޓުތައް ބުނާ ގޮތުން މަރުވި ގިނަ މީހުންނަކީ "ލީބިޔަން ނެޝެނަލް އާރމީ (އެލްއެންއޭ)" އަށް ނިސްބަތްވާ ސިފައިންނެވެ. އެލްއެންއޭއަކީ ލީބިޔާގެ އިރުމަތީ ސަރަހައްދުގައި ގާއިމުވެފައިވާ ޖަމާއަތެކެވެ. އެ ޖަމާއަތުން ލީބިޔާގެ ވެރިރަށް ޓްރިޕޮލީ ގައި ގާއިމުވެފައިވާ ސަރުކާރު ބަލައި ނުގަނެއެވެ. މިދިޔަ ޑިސެމްބަރު މަހުން ފެށީގެން އަލް-ޝަތީ ވައިގެ ބޭސް ކޮންޓްރޯލް ކުރަމުން ދިޔައީ އެލްއެންއޭ އިންނެވެ.