ނޮވެމްބަރު 3 ގެ އައްޑަނަ ފަސް ބޭފުޅަކަށް
4 ނޮވެމްބަރު 2026 | ބުދަ 04:19ނަޞްރުގެ ދުވަހުގެ ރަސްމީ ޖަލްސާގައި، 1988 ނޮވެންބަރު 3 ގެ އުދުވާނީ ހަމަލާގައި ރެކީ ޕެޓްރޯލަށް ނިކުންނެވި ބޭފުޅުންގެ ތެރެއިން ދުނިޔޭގައި ތިއްބެވި ފަސް ބޭފުޅަކަށް ރައީސް މުއިއްޒު "ނޮވެންބަރު 3 ގެ އައްޑަނަ" އަރުވައިފި. މި ޖަލްސާގައި ސިފައިންގެ ޤައުމީ ލަވަ އަލްބަމް ނެރެދެއްވުމުގެ އިތުރުން، އެ ދުވަހުގެ ހާދިސާތައް ސިފަކޮށްދޭ "ލޭގެ ޖިހާދު" ތަމްސީލު ވަނީ ހުށަހަޅައިދީފައި
ނަޞްރުގެ ދުވަހު ބޭއްވި ރަސްމީ ޖަލްސާ | ރައީސް އޮފީސް
ނަޞްރުގެ ދުވަހުގެ މުނާސަބަތުގައި ބޭއްވި ރަސްމީ ޖަލްސާގައި، ނޮވެންބަރު 3 ގެ އައްޑަނަ 5 ބޭފުޅަކަށް އަރުވައިފި އެވެ.
އެބޭފުޅުންނަށް އެ އައްޑަނަ އެރުވީ ރައީސް ޑރ. މުހައްމަދު މުއިއްޒު އެވެ.
އަންގާރަ ދުވަހުގެ ރޭ ބޭއްވި ޖަލްސާގައި ނޮވެންބަރު 3 ގެ އައްޑަނަ ލިބިވަޑައިގެންނެވި ބޭފުޅުންނަކީ، 1988 ވަނަ އަހަރުގެ ނޮވެންބަރު މަހުގެ 3 ވަނަ ދުވަހުގެ ޢުދުވާނީ ހަމަލާގެ ވަގުތުގައި ރެކީ ޕެޓްރޯލަށް ނުކުންނެވި ބޭފުޅުންގެ ތެރެއިން ދުނިޔޭގައި ތިއްބެވި 5 ބޭފުޅުން ކަމުގައިވާ ސަރޖެންޓް ފަސްޓްކްލާސް (ރިޓަޔަރޑް) އިބްރާހީމް ޝަރީފު އާއި ސްޓާފް ސަރޖެންޓް (ރިޓަޔަރޑް) ހުސައިން އަލީއާއި ސަރޖެންޓް (ރިޓަޔަރޑް) ހުސައިން މަނިކު އާއި ކޯޕްރަލް (ރިޓަޔަރޑް) އަބްދުﷲ ނަސީމު އާއި ލާންސް ކޯޕްރަލް (ރިޓަޔަރޑް) އަބްދުﷲ މުފީދު އެވެ.
މީގެ އިތުރުން މި ޖަލްސާގައި، ނޮވެންބަރު 3 ގެ ހުށަހެޅުން "ލޭގެ ޖިހާދު" ގެ ނަމުގައި، ދިވެހި ސިފައިން ތަމްސީލެއް ހުށަހަޅާފައިވެ އެވެ. މި ޖަލްސާގައި ދިވެހި ސިފައިންގެ ޤައުމީ ލަވަ އަލްބަމް ނެރެދެއްވީ، ރައީސް މުއިއްޒު އެވެ.
