ސަރުކާރުން ހިންގާ ބޮޑެތި މަޝްރޫއުތައް އިއުލާނުކުރުމެއް ނެތި ސިއްރިޔާތުގައި ކުރިއަށްގެންދަނީ ވައްކަމާއި ޖަރީމާ ހިމެނޭތީ: ޝަމާއު
31 އޮކްޓޯބަރު 2026 | ހޮނިހިރު 07:30ސަރުކާރުގެ ބޮޑެތި މަޝްރޫއުތައް ސިއްރުން ކުރިއަށްގެންދަނީ ވައްކަމާއި ކޮރަޕްޝަނަށް މަގުފަހިކުރުމަށް ކަމަށް ބުނެ ޝަމާއު ވަނީ ކަންބޮޑުވުން ފާޅުކުރައްވާފައި. ރަސްމާލެ މަޝްރޫއާ ގުޅޭގޮތުން ރައީސް މީޑިއާއަށް ޖަވާބުދާރީވެ ވަޑައިނުގަންނަވާކަން ފާހަގަކުރައްވައި ޝަމާއު ވިދާޅުވީ، ދުބާއީގައި ބޭއްވި ރަސްމިއްޔާތެއްގައި ރަސްމާލެ މަޝްރޫއުގެ އެއްބަސްވުމުގައި ސޮއިކުރިއިރު ދެފުށް ފެންނަ ސިޔާސަތެއް ނެތް ކަމަށް
ރާއްޖެޓީވީގެ "ދިވެހީންގެ ބިން ދިވެހީންނަށް" ކަވަރޭޖްގައި އެމްޑީޕީގެ ޕަބްލިކް ޕްރޮޓެކްޝަން ކޮމިޓީގެ ނައިބު މުގައްރިރު ޝަމާއު ޝަރީފް ވާހަކަ ދައްކަވަނީ | ރާއްޖެއެމްވީ
ސަރުކާރުން ހިންގާ ބޮޑެތި މަޝްރޫއުތައް އިއުލާނުކުރުމެއް ނެތި ސިއްރިޔާތުގައި ކުރިއަށްގެންދަނީ، ވައްކަމާއި ޖަރީމާ އެކަމެއްގައި ހިމެނޭތީ ކަމަށް އެމްޑީޕީގެ ޕަބްލިކް ޕްރޮޓެކްޝަން ކޮމިޓީގެ ނައިބު މުގައްރިރު ޝަމާއު ޝަރީފް ވިދާޅުވެއްޖެ އެވެ.
ރާއްޖެޓީވީގެ "ދިވެހީންގެ ބިން ދިވެހީންނަށް" ކަވަރޭޖްގައި ވާހަކަދައްކަވަމުން ޝަމާއު ވިދާޅުވީ، މި ސަރުކާރުގައި ހިނގާ ބޮޑެތި މަޝްރޫއުތަކާއި، މަސައްކަތްތަކަކީ އެއްވެސް އެގޮތަކަށް އިއުލާނު ކުރުމެއް ނެތި ކުރަމުންދާ ކަންކަން ކަމަށާއި، ހުރިހާ ކަމެއް ކުރިއަށް ގެންދަނީ ސިއްރިއްޔާތުގައި ކަމަށެވެ. އެ ގޮތަށް ކަންކަން ކުރަމުންދަނީ އެކަމުގައި ވައްކަމާއި، ޖަރީމާ ހިމެނޭތީ ކަމަށް އޭނާ ވިދާޅުވި އެވެ. އަދި ވިދާޅުވީ ރަސްމާލެ މަޝްރޫއަކީ ވެސް އެފަދަ މަޝްރޫއެއް ކަމަށެވެ.
ކުރުކޮށް ދަންނަވަންޏާ ސަލީމް މީގައި ސިއްރުން ކުރާނީ ކޮންކަމެއްތޯ؟ ވައްކަން، ވައްކަން. ސިއްރުން ޖަރީމާ ހިންގާނީ. ސިއްރުން ވައްކަން ކުރާނީ އެނގޭތޯ. އެހެންވީމާ މިއަދު ހިނގައިގެން މި އުޅޭ ކަންތަކުގައި އަޅުގަނޑު ހަމަ އެ ދަންނަވާނީ މީގައި އެއްވެސް ގޮތަކަށް މިއިއުލާނެއް ކުރެވި އެއްވެސް ކަމެއް ކުރެވިފައެއް ނެތްޝަމާއު ޝަރީފް
މީގެއިތުރުން، އާންމުކޮށް މީޑިއާތަކާ ވަރަށް ގާތުން މަސައްކަތް ކުރައްވައި އަދި ނޫސްވެރިންގެ ބައްދަލުވުންތައް ބޭއްވުމަށް ބޮޑު މާލަމެއް ހައްދަވައިގެން އުޅުއްވި ރައީސް ޑރ. މުހައްމަދު މުއިއްޒު ވެސް، މި މައްސަލައާ ގުޅިގެން މީޑިއާއަށް އެއްވެސް އިންޓަވިއުއެއް ދެއްވާފައި ނުވާ ކަމަށް ޝަމާއު ވިދާޅުވި އެވެ. އަދި މި މައްސަލައިގައި ވާހަކަ ނުދެއްކެނީ މީގެ ތެރޭގައި ފޮރުވިފައިވާ ގިނަ ކަންތައްތަކެއް ހުރުމުން ކަމަށް އޭނާ ވިދާޅުވި އެވެ.
ސަރުކާރުން ބައެއް ވަޒީރުން ނެރެގެން ރަސްމާލެ މަޝްރޫއު ދިފާއުކޮށް، ވާހަކަދައްކުވަމުންދާކަން ފާހަގަކުރައްވައި ޝަމާއު ވިދާޅުވީ، އެ ބޮޑު މަޝްރޫއުގައި ސޮއިކުރުމުގެ ކަންކަމަށް ހައުސިންގ މިނިސްޓަރު ޑރ. އަބްދުﷲ މުއްތަލިބު ފިޔަވައި އެހެން އެއްވެސް ވަޒީރަކު ވަޑައިގެންފައި ނުވާ ކަމަށާއި، މިނިސްޓަރަށް ވެސް ވަޑައިގަންނަވަން ޖެހިވަޑައިގަތީ ގިނިކަންޏާ ކަމަށެވެ. އަދި މިކަމުން އެކަނި ވެސް މީގައި އޮތް ވައްކަން ހާމަވާ ކަމަށް ޝަމާއު ވިދާޅުވި އެވެ.
