ކްލޮޕްގެ ދެވަނަ މެޗުގައި ގްރީސް އަތުން ޖަރުމަނު ބަލިވެއްޖެ

ޔުއެފާ ނޭޝަންސް ލީގުގައި ގްރީސްއާ ދެކޮޅަށް ކުޅުނު މެޗުން ޖަރުމަނު ބަލިވެއްޖެ އެވެ. 

ޖަރުމަނުގެ އޮގްސްބާގްގައި ކުޅުނު މެޗުގައި ގްރީސް އިން ވަނީ 1-0 އިން އެ ޓީމު ބަލިކޮށްފަ އެވެ. މެޗުގައި ގްރީސް އިން ލަނޑު ޖެހީ ވެސް ދެވަނަ ހާފުގަ އެވެ.

މެޗު ފަށައިގެން ޖަރުމަނުން ވަނީ ރަނގަޅަށް ކުޅެ، ގްރީސް ކޮޅަށް ލަނޑު ޖަހަން މަސައްކަތްކޮށްފަ އެވެ. ނަމަވެސް، އެ ޓީމަށް އެއްވެސް ފުރުސަތެއްގެ ބޭނުން ކުރެވޭ ގޮތެއް ނުވި އެވެ. ޖަރުމަނުގެ ޔޯޝުއާ ކިމިކް އާއި ފްލޯރިއަން ވާޓްޒް އަށް ވެސް ލަނޑު ޖަހާނެ ފުރުސަތު ލިބުނުއިރު، ފުރުސަތުގެ ބޭނުމެއް ނުހިފުނެވެ. 

މެޗުގައި ގްރީސް އިން ލަނޑު ޖެހީ 74 ވަނަ މިނެޓުގަ އެވެ. އެ ލަނޑު އެ ޓީމަށް ޖަހައިދިނީ ޑިމިޓްރިސް ކޮއުބެލިސް އެވެ. އެ ލަނޑުގެ ފަހުން ވެސް ޖަރުމަނުން ވަނީ ނަތީޖާ ހަމަހަމަ ކުރުމަށް މަސައްކަތްކޮށްފަ އެވެ.

ގްރީސް އަތުން ޖަރުމަނު ބަލިވެފައިވާއިރު، މިއީ އެ ޓީމުގެ ކޯޗުކަމާ ޔާގަން ކްލޮޕް ހަވާލުވީ ފަހުން ޖަރުމަނުން ކުޅުނު ދެވަނަ މެޗެވެ. އޭނާ އިރުޝާދު ދިން ފުރަތަމަ މެޗުގައި ޖަރުމަނު ވަނީ ނެދަލެންޑްސްއާ އެއްވަރުވެފަ އެވެ. ޖަރުމަނު ބަލިކޮށް، ދެ މެޗުން ހަ ޕޮއިންޓާ އެކު ގްރީސް އޮތީ ގުރޫޕުގެ އެއްވަނައިގަ އެވެ.