ބްރައިޓަން އަތުން ހިތްދަތި ގޮތަކަށް ބަލިވެ، އާސެނަލް އަށް ލީޑު ފުޅާނުކުރެވުނު

އިނގިރޭސި ޕްރިމިއާ ލީގުގައި ބްރައިޓަންއާ ދެކޮޅަށް ކުޅުނު މެޗުން ހިތްދަތި ގޮތަކަށް ބަލިވެ، އެންމެ ފަހުގެ ޗެމްޕިއަން އާސެނަލް އަށް ލީޑު ފުޅާކުރަން ލިބުނު ފުރުސަތު ނަގާލައިފި އެވެ. 

ބްރައިޓަންގެ އަމިއްލަ ދަނޑުގައި ހޮނިހިރު ދުވަހުގެރޭ ކުޅުނު މެޗުގައި އެ ޓީމުން ވަނީ 3-0 އިން އާސެނަލް ބަލިކޮށްފަ އެވެ. މެޗުގެ ފުރަތަމަ ހާފުގައި އާސެނަލް އިން ދެ ލަނޑު ޖެހިއިރު، އަނެއް ލަނޑު އެ ޓީމުން ޖެހީ ދެ ވަނަ ހާފުގަ އެވެ.

މެޗުގެ ފުރަތަމަ ހާފުގެ 31 ވަނަ މިނެޓުގައި ބްރައިޓަން އިން ވަނީ އާސެނަލް ކޮޅަށް ލަނޑު ޖަހައި ލީޑު ނަގައިފަ އެވެ. އެ ލަނޑު ބްރައިޓަން އަށް ޖަހައިދިނީ ޕަސްކަލް ގްރޮބް އެވެ. އޭގެ ފަހުން މެޗުގެ ފުރަތަމަ ހާފު ނިމެން ފަސް މިނެޓަށް ވެފައި ވަނިކޮށް ބްރައިޓަންގެ ދެ ވަނަ ލަނޑު ޖެހީ ޗަރަލަމްޕޮސް ކަސްޓޮއުލަސް އެވެ. އާސެނަލް އިން ލަނޑު ޖަހަން މަސައްކަތް ކުރަމުން އަންނަނިކޮށް، ދެ ވަނަ ހާފު ފަށައިގެން ހަތް ވަނަ މިނެޓުގައި ޗެމާ އަންދްރެސް ވަނީ ބްރައިޓަންގެ ތިން ވަނަ ލަނޑު ޖަހައި އިތުރަށް ލީޑު ފުޅާކޮށްފަ އެވެ. 

ބައްޔާ އެކު އާސެނަލް ދެ ވަނައިގައި އޮތީ މިހާާތަނަށް ކުޅެފައިވާ ފަސް މެޗުން 12 ޕޮއިންޓާ އެކު އެވެ. މިއީ މި ސީޒަންގެ ލީގުގައި އާސެނަލްގެ ފުރަތަމަ ބައްޔެވެ. އާސެނަލްގެ ކުރިން އެއް ވަނައިގައި ސިޓީ އޮތީ ހަތަރު މެޗުން 12 ޕޮއިންޓާ އެކު އެވެ. މެޗުގެ އަދަދު ހަމަކޮށް، ތިން ޕޮއިންޓުގެ ލީޑު ނެގުމުގެ ފުރުސަތު ސިޓީ އަށް އޮންނާނެ އެވެ.