ރަފީނިއާގެ ދެ ލަނޑުން މޮޅުވެ، ބާސެލޯނާ އަށް ރަނގަޅު ފެށުމެއް

ޔުއެފާ ޗެމްޕިއަންސް ލީގުގައި ފެޔެނޫޑްއާ ދެކޮޅަށް ކުޅުނު މެޗުން މޮޅުވެ، ބާސެލޯނާ އިން މުބާރާތުގައި އެ ޓީމުގެ ފެށުން ރަނގަޅުކޮށްފި އެވެ.

ބާސެލޯނާގެ އަމިއްލަ ދަނޑުގައި ބުދަ ދުވަހުގެރޭ ކުޅުނު މެޗު އެ ޓީމުން ކާމިޔާބު ކުރީ 5-1 އިންނެވެ. މެޗުގެ ފުރަތަމަ ހާފުގައި ބާސެލޯނާ އިން ދެ ލަނޑު ޖެހިއިރު، އަނެއް ތިން ލަނޑު އެ ޓީމުން ޖެހީ ދެ ވަނަ ހާފުގަ އެވެ.

މެޗު ފަށައިގެން ތިން ވަނަ މިނެޓުގައި ބާސެލޯނާ އަށް ލީޑު ނަގައިދިނީ އެ ޓީމުގެ ކެޕްޓަން ރަފީނިއާ އެވެ. އޭގެ ފަހުން ފުރަތަމަ ހާފުގެ 22 ވަނަ މިނެޓުގައި ކަރީމް އަޑެޔޭމީ ވަނީ ބާސެލޯނާގެ ދެ ވަނަ ލަނޑު ޖަހައި ލީޑު ފުޅާ ކޮށްފައި އެވެ. އެ ލަނޑު ޖަހަން އޭނާ އަށް ފުރުސަތު ތަނަވަސްކޮށްދިނީ ޔާއޯ ކަންސޭލޯ އެވެ.

މެޗުގެ ދެ ވަނަ ހާފު ފަށައިގެން 11 ވަނަ މިނެޓުގައި ރަފީނިއާ ވަނީ ބާސެލޯނާގެ ތިން ވަނަ ލަނޑު ޖަހައިފަ އެވެ. އެއީ ޕެޑްރީ ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ. މެޗުގެ 77 ވަނަ މިނެޓުގައި ބާސެލޯނާގެ ހަތަރު ވަނަ ލަނޑު ޖަހައި އިތުރަށް ލީޑު ފުޅާ ކޮށްދިނީ ލަމީން ޔަމާލް އެވެ.

މެޗުގެ 82 ވަނަ މިނެޓުގައި ފެޔެނޫޑްގެ ހަމައެކަނި ލަނޑު ޖެހީ ސެމް ސްޓެއިން އެވެ. މެޗުގެ ފުރިހަމަ ވަގުތު ހަމަވާން ފަސް މިނެޓަށް ވެފައި ވަނިކޮށް ބާސެލޯނާގެ ފަހު ލަނޑު ޖެހީ ގަބްރިއަލް ޖީސޫސް އެވެ. އެ ލަނޑު ޖަހަން ޖީސޫސް އަށް ފުރުސަތު ތަނަވަސްކޮށްދިނީ ޔަމާލް އެވެ.

ބާސެލޯނާ އިން މި ސީޒަންގެ މިހާތަނަށް ހުރިހާ މެޗަކުން މޮޅުވެފައިވާއިރު، ޗެމްޕިއަންްސް ލީގުގައި ދެން އެ ޓީމަށް އޮންނާނީ ގަލަތަސަރާއީއާ ދެކޮޅަށް ކުޅޭ މެޗެވެ.