ޓްރަމްޕް: އީރާނުގެ ޕިކްއެކްސް މައުންޓަންއަށް ވަރަށް އަވަހަށް ހަމަލާދޭނަން
5 ސެޕްޓެމްބަރު 2026 | ހޮނިހިރު 06:25އީރާނުގެ ނިއުކްލިއާ މަރުކަޒުތައް ހިމެނޭ ސަރަހައްދަށް ހަމަލާދީފާނެ ކަމުގެ އިޝާރާތެއް ޓްރަމްޕް ކުރެއްވިއިރު، އެ ގައުމާއެކު އޮތް ނުތަނަވަސްކަމަކީ އެމެރިކާއަށް މާބޮޑު ކަމެއް ނޫން ކަމަށް އޭނާ ވަނީ ވިދާޅުވެފައި. މި ކުރިމަތިލުންތަކަކީ ފުރިހަމަ ހަނގުރާމައެއްގެ ގޮތުގައި ސިފަނުކުރައްވާ ކަމަށާއި، މިއީ އެމެރިކާގެ އަސްކަރީ ގާބިލުކަމާ އަޅާބަލާއިރު ވަރަށް ކުޑަ ކަމެއްގެ ގޮތުގައި ޓްރަމްޕް ފާހަގަކުރެއްވި
އީރާނުގެ ޕިކްއެކްސް މައުންޓަން ނުވަތަ ހަމަލާދޭނެ ކަމުގެ އިންޒާރު އެމެރިކާގެ ރައީސް ޑޮނަލްޑް ޓްރަމްޕް އަނެއްކާވެސް ވަނީ ދެއްވާފައި | ވައިޓް ހައުސް
އީރާނުގެ "ޕިކްއެކްސް މައުންޓަން" އަށް އެމެރިކާއިން ވަރަށް އަވަހަށް ހަމަލާދީފާނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ. ޓްރަމްޕް މިހެން ވިދާޅުވީ ހުކުރު ދުވަހު ނޫސްވެރިންނާ ވާހަކަދައްކަވަމުންނެވެ.
އީރާނުގެ ނަތަންޒްގައި ހުންނަ، މިހާރުވެސް ބޮޑެތި ގެއްލުންތަކެއް ލިބިފައިވާ ޔުރޭނިއަމް މުއްސަނދިކުރާ މަރުކަޒާ ކައިރީގައި އޮންނަ ޕިކްއެކްސް މައުންޓަންއަކީ، ބިމުގެ އަޑީގައި ވަރަށް ބޮޑަށް ރައްކާތެރިކޮށްފައިވާ ދެ ޓަނަލް ކޮމްޕްލެކްސް ހިމެނޭ ސަރަހައްދެކެވެ.
އީރާނާއެކު ހިނގަމުންދާ ކުރިމަތިލުންތަކަކީ އެމެރިކާއަށް "ވަރަށް ކުޑަ ކަމެއް" ކަމަށް ޓްރަމްޕް ސިފަކުރައްވަމުން، އެއީ "ސްމޯލް ޕޮޓޭޓޯސް" ކަމަށް ވިދާޅުވި އެވެ. އެއީ ހަނގުރާމައެއްގެ ގޮތުގައި ސިފަނުކުރައްވާނެ ކަމަށް ނައިބު ރައީސް ޖޭޑީ ވޭންސް ވިދާޅުވިތާ އެއްދުވަސް ފަހުންނެވެ.
ވޭންސްގެ ވާހަކަތަކާ ގުޅޭގޮތުން ނޫސްވެރިން ސުވާލުކުރުމުން ޓްރަމްޕް ވިދާޅުވީ، ގިނަ ބަޔަކު އެއީ ހަނގުރާމައެއް ކަމަށް ގަބޫލުނުކުރާ ކަމަށާއި، އޭނާ އެކަން ސިފަކުރައްވަނީ އަސްކަރީ ކުރިމަތިލުމެއްގެ ގޮތުގައި ކަމަށެވެ. އަދި އެއީ އެމެރިކާއަށް މާ ބޮޑު ކަމެއް ނޫން ކަމަށާއި، މީގެ ކުރިން ވެނެޒުއޭލާ ފަދަ ގައުމުތަކާ މެދުވެސް އަމަލުކުރި ފަދައިން މިކަމުގައިވެސް ފިޔަވަޅު އަޅާފައިވާނެ ކަމަށް ޓްރަމްޕް ވިދާޅުވި އެވެ.
