މެސީގެ ދެ ލަނޑާ އެކު އިންޓަރ މިއާމީ މޮޅުވެއްޖެ

ލީގްްސް ކަޕްގައި އެޓްލެޓިކޯ ޑި ސަން ލުއިސްއާ ދެކޮޅަށް ކުޅުނު މެޗުން އިންޓަރ މިއާމީ މޮޅުވެއްްޖެ އެވެ.

ބުރާސްފަތި ދުވަހުގެ ފަތިހު ކުޅުނު މެޗު މިއާމީ އިން ކާމިޔާބު ކޮށްފައި ވަނީ 4-2 އިންނެވެ. މެޗުގައި ސަން ލުއިސް އިން ލަނޑު ޖަހާފައި ވަނިކޮށް، މިއާމީ އިން ވަނީ ފަހަތުން އަރައި މޮޅުވެފައި އެވެ.

މެޗު ފަށައިގެން ހަތަރު ވަނަ މިނެޓުގައި ސަން ލުއިސް އަށް ލީޑު ނަގައިދިނީ ޑޭވިޑް ރޮޑްރިގޭޒް އެވެ. އޭގެ ހަތް މިނެޓު ފަހުން މިއާމީގެ ކެޕްޓަން ލިއޮނަލް މެސީ ވަނީ ލަނޑު ޖަހައި އެ ޓީމަށް ނަތީޖާ ހަމަހަމަ ކޮށްދީފައި އެވެ. 

މެޗުގައި މިއާމީ އަށް ލީޑު ނަގައިދިނީ 26 ވަނަ މިނެޓުގައި ޓެލަސްކޯ ސެގޯވިއާ އެވެ. އޭގެ ފަހުން ފުރަތަމަ ހާފުގެ ފުރިހަމަ ވަގުތު ހަމަވާާން މިނެޓަކަށް ވެފައި ވަނިކޮށް، މެސީ ވަނީ މިއާމީގެ ތިން ވަނަ ލަނޑު ޖަހައި ލީޑު ފުޅާ ކޮށްފައި އެވެ. 

އޭގެ ފަހުން މެޗުގެ ފުރަތަމަ ހާފުގެ އިތުރު ވަގުތުގައި މިއާމީގެ ހަތަރު ވަނަ ލަނޑު ޖެހީ މިކޭލް އެވެ. އެ ލަނޑު ޖަހަން އޭނާ އަށް ފުރުސަތު ތަނަވަސްކޮށްދިނީ މެސީ އެވެ. މެޗުގެ ދެ ވަނަ ހާފު ފަށައިގެން ހަ ވަނަ މިނެޓުގައި ސަން ލުއިސްގެ ދެ ވަނަ ލަނޑު ޖެހީ ރަފާ ލޮރެންޓޭ އެވެ.

މެޗުން މިއާމީ މޮޅުވެފައިވާއިރު، މިއީ ފީފާ ވޯލްޑް ކަޕްގެ ފަހުން މެސީ އެ ޓީމަށް ކުޅެދިން ދެ ވަނަ މެޗެވެ. މެސީ ކުޅުނު ފުރަތަމަ މެޗުގައި މިއާމީ ވަނީ އެއްވަރުވެފައި އެވެ.