މުޅި ހަށިގަނޑަށް ކެންސަރު ފެތުރި އެކަމާ ދެކޮޅަށް ހިތްދަތި ހަނގުރާމައެއް ކުރަމުންދާ ކަމަށް ދަރިކަލުން ވިދާޅުވި ފަހުން، ފުރަތަމަ ފަހަރަށް ބައިޑަން އާންމުންގެ ތެރެއަށް ނުކުންނަވައިފި
12 އޯގަސްޓު 2026 | ބުދަ 07:15ބައިޑަން ވަނީ ޑެލަވެއާގެ ވިލްމިންގްޓަންގައި ހުންނަ ސެއިންޓް ޖޯސެފް އޮން ދަ ބްރޭންޑީވައިން ކަނީސާގައި އޮތްް ދީނީ ހަރަކާތެއްގައި ބައިވެރިވެ ވަަޑައިގެންފައި. އާންމުންގެ ތެރެއިން ބައިޑަން ފެނުމާާ އެކު، ގިނަ ބަޔަކަށް ވަނީ އެކަމުގެ ސަމާލުކަން ލިބިފައި
އެމެރިކާގެ ކުރީގެ ރައީސް ޖޯ ބަައިޑަންގެ އާންމުންގެ ތެރޭގައި ހިންގަވާާފައި ވަޑައިގަންނަވަނީ | ގެޓީ އިމޭޖަސް
އެމެރިކާގެ ކުރީގެ ރައީސް ޖޯ ބައިޑަންގެ މުޅި ހަށިގަނޑަށް ކެންސަރު ފެތުރިފައިވާ ކަމަށް ދަރިކަލުން ހަންޓަރ ބައިޑަން ހާާމަކުރެއްވި ފަހުން، ފުރަތަމަ ފަހަރަށް ބައިޑަން އާންމުންގެ ތެރެއަށް ނުކުންނަވައިފި އެވެ.
ބައިޑަން ވަނީ ޑެލަވެއާގެ ވިލްމިންގްޓަންގައި ހުންނަ ސެއިންޓް ޖޯސެފް އޮން ދަ ބްރޭންޑީވައިން ކަނީސާގައި އޮތްް ދީނީ ހަރަކާތެއްގައި ބައިވެރިވެ ވަަޑައިގެންފައި އެވެ. އާންމުންގެ ތެރެއިން ބައިޑަން ފެނުމާާ އެކު، ގިނަ ބަޔަކަށް ވަނީ އެކަމުގެ ސަމާލުކަން ލިބިފައި އެވެ.
އެ ހަރަކާތުގައި ބައިޑަންގެ އިތުރުން، އޭނާާގެ އާއިލާގެ ބައެއް މެންބަރުން ވެސް ވަނީ ބައިވެރިވެފައި އެވެ. އެ ސަރަހައްދަަށް ބައިޑަން ހިންގަވާފައި ވަޑައިގެންނެވިއިރު، ބައިޑަންގެ މޫނު މަތިން ނުތަނަވަސްކަން ފެންނަން ހުރި ކަމަށް އެކި އެކި ފަރާތްތަކުން ވަނީ ބުނެފައި އެވެ. އަދި ބައިޑަން ހިންގަވާފައި ވަޑައިގެންނެވިއިރު ވެސް، އުނދަގޫ ގޮތްތަކެއް ފާހަގަވި ކަމަށް ބުނެފައިވެ އެވެ.
ދާދި ފަހުން ދެއްވި އިންޓަވިޔުއެއްގައި ހަންޓަރ ބައިޑަން ވިދާޅުވެފައި ވަނީ، ބައްޕާފުޅުގެ ހާލަތު މިހާާރު ހުރި ގޮތް ފެނުމުން ވަރަށް ބޮޑަށް އަސަރު ކުރާ ކަމަށެވެ. އަދި އެއީ ވަރަށް ހިތްދަތިވާ ކަމެއްގެ ގޮތުގައި ހަންޓަރ ބައިޑަން ވަނީ ފާހަގަ ކުރައްވައިފަ އެވެ. ބައިޑަންގެ މުޅި ހަށިގަނޑުގައި ކެންސަރު ފެތުރިފައިވާއިރު، ކަށިތަކަށް ވެސް ކެންސަރުގެ އަސަރު ކޮށްފައިވާ ކަމަށް ހަންޓަރ ބައިޑަން ވަނީ ވިދާޅުވެފައި އެވެ.
ވެރިކަމުގައި ހުންނެވި ދުވަސްވަރު ބައިޑަންގެ ސިއްހީ ހާލުކޮޅާ ގުޅޭ ގޮތުން ގިނަ ސުވާލުތަކެއް އުފެދުނު ނަމަވެސް، އޭރު ބައިޑަންގެ އަރިސް ބޭފުޅުން ވަނީ އޭނާގެ ސިއްހީ މައްސަލައެއް ނެތް ކަަމަށް ބުނެފަ އެވެ. ނަމަވެސް، 2025 ވަނަ އަހަރުގެ ޖަނަވަރީ މަހު ވެރިކަމުން ދުރަށް ވަޑައިގެންނެވި ފަހުން، ބައިޑަން އަށް ކެންސަރު ޖެހިފައިވާކަން ވަނީ ހާމަވެފައި އެވެ. އެއާ އެކު ބައިޑަން ވަނީ ކެންސަރުގެ ފަރުވާ ވެސް ހޯއްދަވައިފަ އެވެ.
ކެންސަރާ ހަނގުރާމަ ކުރަމުން އަންނަ ބައިޑަން، މިވަގުތު ހުންނެވީ ސިޔާސީ ކަންކަމާ ދުރުގައި އެވެ. ނަމަވެސް، ބައިޑަން ގެންދަވަނީ އޭނާގެ ރިޔާސީ ލައިބްރަރީ ޤާއިމު ކުރުމަށް ބޭނުންވާ ފަންޑު ހޯދުމުގެ އިތުރުން، ވެރިކަމުގެ ދުވަސްތަކުގެ މައްޗަށް ލިޔުއްވާފައިވާ ފޮތެއް ނެރުމަށް މަސައްކަތް ކުރައްވަމުންނެވެ.
