އެމެރިކާގެ ހަތިޔާރު ހުސްވާ ކަަަމަށް ދެކެވޭ ވާހަކަތައް ޓްރަމްޕް ދޮގުކުރައްވައިފި

އީރާންއާ ދެކޮޅަށް އެމެރިކާ އިން ކުރަމުންދާ ހަނގުރާމައިގައި ބޭނުންކުރާ ހަތިޔާރާއި ގޮވާ ތަކެތި ހުސްވަމުންދާ ކަމަށް ދެކެވޭ ވާހަކަތައް، އެމެރިކާގެ ރައީސް ޑޮނަލްޑް ޓްރަމްޕް ދޮގުކުރައްވައިފި އެވެ.

ޓްރަމްޕް މިކަން ހާމަކުރެއްވީ އެމެރިކާގެ އަސްކަރީ ހަތިޔާރުގެ ރިޒާވް މަދުވަމުންދާ ކަމަށް ބުނެ، މީޑިއާތަކުގައި ފެތުރެމުންދާ ރިޕޯޓުތަކާ ގުޅިގެންނެވެ.

ވޯލް ސްޓްރީޓް ޖާނަލް އަށް ދެއްވި ބަޔާނެއްގައި ޓްރަމްޕް ވިދާޅުވީ، ދުނިޔޭގެ އެހެން އެއްވެސް ޤައުމަކަށް ވުރެ ގިނަ އަދަދަކަށް ހަތިޔާރައި ގޮވާ ތަކެތި އެމެރިކާގައި ހުރި ކަމަށެވެ. އަދި މިވަގުތު އެމެރިކާާ އަށް ބޭނުންވާ މިންވަރަށް ވުރެ މާ ގިނައިން ވެސް ހަތިޔާރުގެ ރިޒާވް އެބަހުރި ކަމަށް ޓްރަމްޕް ވިދާޅުވި އެވެ. 

Raajje.mv

ހަތިޔާރު މަދުވުމުގެ ސަބަބުން، އީރާން އަށް ދެމުން އައި ހަމަލާތައް އެމެރިކާ އިން މެދުކަނޑާލައިފި

ނަމަވެސް ވޯލް ސްޓްރީޓް ޖާނަ ލްއިން ރިޕޯޓު ކޮށްފައިވާ ގޮތުގައި، އެމެރިކާގެ ވައިގެ ދިފާއީ ނިޒާމު ތަކުގައި ބޭނުންކުރާ އިންޓަސެޕްޓަރުތައް މަދުވަމުންދާ ކަމުގެ މައުލޫމާތު، ރިޔާސީ ގަނޑުވަރު ވައިޓް ހައުސް އަށް ވަނީ ލިބިފައި އެވެ. މި މައުލޫމާތު ވައިޓް ހައުސްއާ ހިއްސާ ކުރެއްވީ އެމެރިކާގެ ޖޮއިންޓް ޗީފްސް އޮފް ސްޓާފްގެ ޗެއާމަން ޖެނެރަލް ޑެން ކޭން ކަމަށް އެ ނޫހުން ބުނެފައިވެ އެވެ.

އެމެރިކާގެ އަސްކަރީ ތަޖުރިބާ ކާރުން ފާހަގަ ކުރާ ގޮތުގައި، އީރާން އާއި އެ ސަރަހައްދުގައި ހިނގަމުންދާ ކުރިމަތިލުންތަކާ ގުޅިގެން އެމެރިކާގެ ދިފާއީ ވަސީލަތްތަކަށް ވަނީ ބާރު ބޮޑުވެފައި އެވެ. ޚާއްސަކޮށް މިސައިލް ހަމަލާތަކުން ދިފާއު ވުމަށް ބޭނުންކުރާ ވަސީލަތްތައް އުފައްދާ މިންވަރަށް ވުރެ، ބޭނުންކުރާ މިންވަރު އިތުރު ވަމުންދާ ކަމުގެ ކަންބޮޑުވުން އަސްކަރިއްޔާގެ އިސްވެރިންގެ މެދުގައި އޮތް ކަމަށް ރިޕޯޓުތައް ބުނެ އެވެ.

Raajje.mv

އީރާން ހަނގުރާމަ ވަރުގަދަކުރުމާ މެދު އެމެރިކާގެ ނައިބު ރައީސް ވޭންސް އާއި ޖެނެރަލް ކޭން ކަންބޮޑުވެއްޖެ

މި މައްސަލައިގައި ޓްރަމްޕް ދެއްވި ޖަވާބާ އެކު، އެމެރިކާގެ އަސްކަރީ ގާބިލުކަމާ މެދު އުފެދިފައިވާ ސުވާލުތަކަށް ސިޔާސީ ޖަވާބުތަކެއް ލިބިފައިވާ ކަމަށް ބައެއް ފަރާާތްތަކުން ދެކެ އެވެ. ޓްރަމްޕްގެ ސަރުކާރުން ބުނަމުން ދަނީ އެމެރިކާގެ ޤާއުމީ ސަލާމަތަށް ނުރައްކާވާ ފަދަ އެއްވެސް ހާލަތެއް ނެތް ކަމަށާއި، އަސްކަރީ ގޮތުން އެމރިކާ އޮތީ އެންމެ ފުރިހަމަ ހާލަތުގައި ކަމަށެވެ.  

ޓްރަމްޕް މިހެން ވިދާޅުވެފައިވާއިރު، އެމެެރިކާ އިން މިފަހުން އީރާން އަށް އަމާޒުކޮށް ދެމުން އައި ސިލްސިލާ ހަމަލާތައް ވަނީ މެދުކަނޑާލައިފަ އެެވެ. ބައެއް މީޑިއާތަކުގައި ބުނެފައިވާ ގޮތުން އެމެރިކާ އިން ހަމަލާ ދިނުން ހުއްޓާލީ، ހަތިޔާރުގެ ރިޒާވް މަދުވުމުގެ ސަބަބުންނެވެ. އަދި އީރާންއާ ދެކޮޅަށް ކުރަމުން އަންނަ ހަނގުރާމަ ވަރުގަދަ ކުރުމާާ ގުޅޭ ގޮތުން އެމެރިކާގެ ނައިބު ރައީސް ޖޭޑީ ވޭންސް އާއި، ޖެނަރަލް ކޭންގެ ކަންބޮޑުވުން އޮތް ކަމަށް ވެސް ބުނެފައިވެ އެވެ.