ރާއްޖެއިން ބޭރުގައި ދިވެހިން ކުރާ ޚަރަދު ބެލުމުގެ ސަރވޭއެއް ފަށައިފި
25 ޖުލައި 2026 | ހޮނިހިރު 12:29ރާއްޖޭގެ ބެލެންސް އޮފް ޕޭމަންޓްސް ތަފާސްހިސާބުތައް އެކުލަވާލުމަށް ބޭނުންވާ މަޢުލޫމާތު އެއްކުރުމަށް އެމްއެމްއޭއިން ކުރިއަށްގެންދާ މި ސާވޭ ޖުލައި 31 ގެ ނިޔަލަށް ވެލާނާ އިންޓަނޭޝަނަލް އެއާޕޯޓުގައި ކުރިއަށްދާނެ. މި ސާވޭގައި ދިވެހިން ރާއްޖެއިން ބޭރުގައި ކުރާ ޚަރަދުތަކުގެ މަޢުލޫމާތު ހޯދި ނަމަވެސް، ވަކިވަކި ފަރުދުންގެ އަމިއްލަ ސިއްރު ހިފަހައްޓާނެކަމުގެ ޔަގީންކަން އެ އޮތޯރިޓީން ދޭ
ވެލާނާ އިންޓަރނޭޝަނަލް އެއަރޕޯޓުގެ އިންޓަރނޭޝަނަލް އެރައިވަލް | ރާއްޖެއެމްވީ
ރާއްޖެއިން ބޭރުގައި ދިވެހީން ކުރާ ޚަރަދު ބެލުމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހިންގުމަށް ހަމަޖެހިފައިވާ ސާރވޭ ހޮނިހިރު ދުވަހު ފަށައިފި އެވެ.
އެމްއެމްއޭ އިން ހޮނިހިރު ދުވަހު އާންމު ކޮށްފައިވާ އިއުލާނުގައި ވާގޮތުގައި މި ސާރވޭ ކުރިޔަށް ދާނީ ޖުލައި 25 އިން 31 އަށް ވެލާނާ އިންޓަނޭޝަނަލް އެއާޕޯޓުގެ އެރައިވަލް ހޯލުގަ އެވެ.
މި ސާރވޭގައި ދަތުރު ކުރި މަގްސަދާއި، ދަތުރު ކުރި ގައުމާއި ޓިކެޓުގެ ޚަރަދާއި ބޭސްފަރުވާ އަށް ކުރެވުނު ޚަރަދުގެ އިތުރުން ޖުމްލަ ގޮތެއްގައި ދަތުރަށް ކުރެވުނު ޚަރަދުގެ މައުލޫމާތު ހިމެނޭނެ ކަމަށް އެމްއެމްއޭ އިން ބުނެ އެވެ.
ނަމަވެސް ވަކިވަކި ފަރުދުންގެ އަމިއްލަ މައުލޫމާތު ސާރވޭގައި އެއްނުކުރެވޭނެ ކަމަށާއި މައުލޫމާތުގެ ސިއްރު ހިފަހައްޓާނެކަމަށް އެމްއެމްއޭ އިން ބުނެ އެވެ.
މި ސާރވޭ އަކީ ރާއްޖޭގެ ބެލެންސް އޮފް ޕޭމަންޓްސްއާ ގުޅޭ ތަފާސްހިސާބުތައް ތައްޔާރުކުރުމަށް ބޭނުންވާ މައުލޫމާތު ހޯދުމުގެ ގޮތުން ކުރާ ސާރވޭ އެއް ކަމަށް ވަނީ އެމްއެމްއޭ އިން ބުނެ އެވެ. އަދި މި މުއްދަތުގައި ރާއްޖެއަށް އަންނ ދިވެހިންގެ ފުރިހަމަ އެއްބާރުލުން ދިނުމަށް އެމްއެމްއޭ އިން ވަނީ އެދިފަ އެވެ.
