އީރާން އިން ގުޅައިފި، އެ ޤައުމުން ބޭނުން ވަނީ އެއްބަސްވުމަކަށް އަންނަން: ޓްރަމްޕް
މީގެ އިތުރުން ޓްރަމްޕް ވިދާޅުވެފައި ވަނީ، އީރާން އާއެކު އެއްބަސްވުމެއް ހެދުމަކީ ބޭނުންތެރި ކަމެއްކަން، ނުވަތަ ނޫންކަން ޔަޤީން ނުވާ ކަމަށް. އަދި އީރާން އިން އެއްބަސްވުމަށް ފުރިހަމަ އަށް އިޙުތިރާމް ކުރާނެ ކަމުގެ ޔަޤީން ކަމެއް ނެތް ކަމަށް ވެސް ޓްރަމްޕް ވަނީ ވިދާޅުވެފައި.
އެމެރިކާގެ ރައީސް ޑޮނަލްޑް ޓްރަމްޕް. | ގެޓީ އިމޭޖަސް
އީރާން އިން ބޭނުން ވަނީ އެމެރިކާ އާއެކު އެއްބަސްވުމަކަށް އަންނަން ކަމަށާއި، ވީ އެންމެ އަވަހަކަށް އެކަން ކުރަން ބޭނުންވާ ކަމަށް އެ ޤައުމުން އަންގާާފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ރޮއިޓާސް ނިއު އެޖެންސީ އިން ރިޕޯޓު ކޮށްފައިވާ ގޮތުގައި، އީރާން އިން މީގެ ކުރިން ވެސް އެތައް ފަހަރެއްގެ މަތިން ގުޅާފައިވާ ކަމަށް ޓްރަމްޕް ވަނީ ވިދާޅުވެފައި އެވެ.
ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވީ، އެންމެ ކުރިން ފެށިގެން ވެސް އީރާން އިން ބޭނުން ވަނީ އެމެރިކާ އާއެކު އެއްބަސްވުމަކަށް އައުމަށެވެ. އީރާން އާއި އެމެރިކާ އާއި ދެމެދު އޮތް ގުޅުން ގޯސްވެފައިވާއިރު، ދެ ޤައުމުން ވަނީ އެ މައްސަލަތައް ޙައްލު ކުރުމަށް ގިނަ މަސައްކަތް ތަކެއް ކޮށްފައި އެވެ.
ނަމަވެސް، ދެ ޤައުމުގެ ދެ މެެދުގައި އޮތް ދެބަސްވުން ތަކުގެ ސަބަބުން ދާއިމީ ސުލްޙައެއް ޤާއިމު ކުރުމަށް ވަނީ އުނދަގޫވެފައި އެވެ. އީރާން އާއެކު އޮތް ވަގުތީ އެއްބަސްވުން ނިމުމަކަށް އައިސްފައިވާ ކަމަށް ބުދަ ދުވަހު ޓްރަމްޕް ވިދާޅުވިއިރު، އޭގެ ފަހުން އެމެރިކާ އިން ވަނީ އީރާން އަށް ހަމަލާ ތަކެއް ދީފައި އެވެ.
މީގެ އިތުރުން ޓްރަމްޕް ވިދާޅުވެފައި ވަނީ، އީރާން އާއެކު އެއްބަސްވުމެއް ހެދުމަކީ ބޭނުންތެރި ކަމެއްކަން، ނުވަތަ ނޫންކަން ޔަޤީން ނުވާ ކަމަށެވެ. އަދި އީރާން އިން އެއްބަސްވުމަށް ފުރިހަމަ އަށް އިޙުތިރާމް ކުރާނެ ކަމުގެ ޔަޤީން ކަމެއް ނެތް ކަމަށް ވެސް ޓްރަމްޕް ވަނީ ވިދާޅުވެފައި އެވެ.
އެމެރިކާ އާއި އިޒްރޭލް އެކުވެގެން އީރާން އަށް ހަމަލާ ދޭން ފެށީ މިއަހަރުގެ ފެބްރުވަރީ މަހުގެ 28 ވަނަ ދުވަހު އެވެ. އޭގެ ފަހުން މިދިޔަ ޖޫން މަހުގެ ތެރޭގައި އެމެރިކާ އާއި އީރާން އިން ވަނީ ހަނގުރާމަ ހުއްޓާލުމުގެ ވަގުތީ އެއްބަސްވުމެއްގައި ސޮއި ކޮށްފައި އެވެ. އަދި އެ އެއްބަސްވުމުގައި ބުނެފައިވާ 60 ދުވަހުގެ ތެރޭގައި އިތުރު މަޝްވަރާތައް ކުރިއަށް ގެންގޮސް، ދެ ޤައުމުގެ ދެ މެދުގައި ދާއިމީ އެއްބަސްވުމެއް އެކުލަވާލަން ޖެހެ އެވެ.
އެމެރިކާ އިން އީރާން އާއެކު ޤާއިމު ކޮށްފައިވާ ނިއުކްލިއަރ އެއްބަސްވުމުން އެމެރިކާ ވަކިވެފައި ވަނީ ޓްރަމްޕްގެ ރިޔާސީ ފުރަތަމަ ދައުރުގެ ތެރޭގައި އެވެ. އެއަށް ފަހު އެމެރިކާ އިން ވަނީ، އީރާންއާ ދެކޮޅަށް އިޤްތިޞާދީ ގޮތުން ގިނަ ފިޔަވަޅު ތަކެއް އަޅައިފަ އެވެ. އޭގެ ފަހުން ދެ ޤައުމުގެ ދެ މެދުގައި އޮތް ގުޅުން ވަނީ ވަރަށް ބޮޑަށް ގޯސްވެފައި އެވެ.
މަސްދަރު: އަލް ޖަޒީރާ
