ޓްރަމްޕް: އީރާނާއެކު ވެފައިވާ ހަނގުރާމަ ހުއްޓާލުމުގެ އެއްބަސްވުން ނިމިއްޖެ

އީރާނާއެކު ވެފައިވާ ހަނގުރާމަ ހުއްޓާލުމުގެ އެއްބަސްވުން ނިމުމަކަށް އައިސްފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ. މީގެ އިތުރުން އީރާނާއެކު މުއާމަލާތް ކުރުމަކީ "ވަގުތު ބޭކާރު ކުރުމެއް" ކަމަށް ވެސް ރައީސް ޓްރަމްޕް ވަނީ ވިދާޅުވެފަ އެވެ.

ތުރުކީވިލާތުގެ އަންކާރާގައި މިހާރު ކުރިއަށްދާ ނޭޓޯ ސަމިޓުގައި ނޫސްވެރިންނާ ވާހަކަދައްކަވަމުން އެމެރިކާގެ ރައީސް ވިދާޅުވީ، އީރާނާއެކު ވެފައިވާ ފަހުމުނާމާ ނުވަތަ އެމްއޯޔޫ މިހާރު "ނިމުމަކަށް އައިސްފައިވާ" ކަމަށް ގަބޫލުކުރައްވާ ކަމަށެވެ.

ތުރުކީގެ އަންކާރާގައި ބާއްވާ ނޭޓޯ ސަމިޓުގެ ތެރެއިން ނޫސްވެރިންނާ ވާހަކަދައްކަވަމުން ރައީސް ޓްރަމްޕް އިތުރަށް ވިދާޅުވީ، އީރާނަށް ނިސްބަތްވާ ނުރައްކާތެރި ބަޔަކަށް އަމާޒުކޮށް ރޭގެ ވަގުތެއްގައި އެމެރިކާއިން ވަރުގަދަ ހަމަލާތަކެއް ދީފައިވާ ކަމަށެވެ.

އީރާނުގެ ސަރުކާރަށް ފާޑުވިދާޅުވަމުން ޓްރަމްޕް ވިދާޅުވީ، އެއީ "ބަލިމަޑުކަމެއްގެ ތެރޭގައިވާ" ބައެއް ކަމަށާއި، އެމީހުންގެ ކިބައިގައި ގޯސް ކަންތައްތަކެއް އެބަހުރި ކަމަށެވެ.

އެމެރިކާގެ ރައީސް ވިދާޅުވީ، މަޝްވަރާތައް ކުރިއަށް ގެންދެވިދާނެ ކަމަށާއި އެހެން ނަމަވެސް އެއީ ވަގުތު ބޭކާރު ކުރުން ކަމުގަ އެވެ.

އީރާނުގެ ހުރްމުޒްގާން ޕްރޮވިންސަށާއި މަހްޝަހްރު ބަނދަރު ސިޓީއަށް ދިން ހަމަލާތަކުގެ ބަދަލުހިފުމުގެ ގޮތުން، އެމެރިކާގެ އަސްކަރީ 85 މަރުކަޒަކަށް އަމާޒުކޮށް ހަމަލާދީފައިވާނެ ކަމަށް އީރާނުން ބުނުމާ ގުޅިގެން، ބަހްރޭނާއި ކުވެއިތުގައި ވަނީ ނުރައްކަލުގެ ސައިރަން އަޅަން ފަށާފަ އެވެ.

ހުސްވި މަހު އެމެރިކާ އާއި އީރާނުން ވަނީ ހަނގުރާމަ ހުއްޓާލުމުގެ 14 ސަޕްހާގެ ފަހުމުނާމާ އެއްގައި ސޮއިކޮށްފަ އެވެ.