އެމެރިކާ އިން އީރާންގެ އަހްވާޒް އަށް ދިން ހަމަލާގައި ތިން މީހަކު ޝަހީދުވެއްޖެ
ހުޒިސްތާން ޕްރޮވިންސްގެ ސަލާމަތީ އަދި ގާނޫނު ތަންފީޒު ކުރުމުގެ ޑެޕިއުޓީ ގަވަރުނަރު ވަލިއުﷲ ހަޔާތީ އިރްނާ އަށް މައުލޫމާތު ދެމުން ބުނީ، އެމެރިކާ އިން އެ ސަރަހައްދަށް ބުރާސްފަތި ދުވަހު ހަމަލާ ތަކެއް ދީފައިވާ ކަމަށާއި، އެ ސަރަހައްދުގައި ރެސްކިއު ޓީމު ތަކާއި، ޑޮކްޓަރުން ހަރަކާތްތެރި ވަމުން އަންނަ ކަމަށް.
އެމެރިކާ އިން އީރާން އަށް ދިން ހަމަލާގެ ތެރެއިން. | ސޯޝަލް މީޑިއާ
އީރާންގެ ހުޒިސްތާން ޕްރޮވިންސްގެ އަހްވާޒް ސިޓީގެ ބޭރަށް އެމެރިކާ އިން ދިން ހަމަލާ ތަކެއްގައި ތިން މީހަކު ޝަހީދުވެފައިވާއިރު، އެތައެއް ބަޔަކު ޒަޚަމުވެފައިވާ ކަމަށް އީރާާންގެ އިރްނާ ނިއުސް އެޖެންސީ އިން ރިޕޯޓު ކޮށްި އެވެ.
ހުޒިސްތާން ޕްރޮވިންސްގެ ސަލާމަތީ އަދި ގާނޫނު ތަންފީޒު ކުރުމުގެ ޑެޕިއުޓީ ގަވަރުނަރު ވަލިއުﷲ ހަޔާތީ އިރްނާ އަށް މައުލޫމާތު ދެމުން ބުނީ، އެމެރިކާ އިން އެ ސަރަހައްދަށް ބުރާސްފަތި ދުވަހު ހަމަލާ ތަކެއް ދީފައިވާ ކަމަށާއި، އެ ސަރަހައްދުގައި ރެސްކިއު ޓީމު ތަކާއި، ޑޮކްޓަރުން ހަރަކާތްތެރި ވަމުން އަންނަ ކަމަށެވެ.
ފާރްސް ނިއުސް އެޖެންސީ އިން ރިޕޯޓު ކޮށްފައިވާ ގޮތުގައި ހުޒިސްތާން ޕްރޮވިންސްގެ ހުޅަނގުގައި އޮންނަ އަހްވާޒް ސިޓީ އަށް ދިން ހަމަލާ ތަކުގައި ގިނަ ބަޔަކު ވަނީ ޒަޚަމުވެފައި އެވެ.
އީރާން އިން ބުނެފައި ވަނީ މިއީ އެމެރިކާ އާއި އިޒްރޭލް އިން އީރާންއާ ދެކޮޅަށް ދެމުން އަންނަ ހަމަލާ ތަކެއް ކަމަށެވެ. މި ހަމަލާގައި ޝަހީދުވީ މީހުން އަދި އަނިޔާ ލިބުނު މީހުންގެ މައުލޫމާތު މިހާތަނަށް އާންމު ކޮށްފައި ނުވެ އެވެ.
މަސްދަރު: އަލް ޖަޒީރާ
